വര്ക്കല: പാപനാശം തീരത്ത് ബലികര്മ്മങ്ങള് നടത്താന് എത്തുന്ന തീര്ത്ഥാടകര്ക്ക് വേണ്ടുന്ന അടിസ്ഥാന സൗകര്യങ്ങള് ഏര്പ്പെടുത്തണമെന്ന് വിഎച്ച്പി. ദിവസവും നൂറുകണക്കിന് ഭക്തജനങ്ങളാണ് പാപനാശം തീരത്ത് എത്തുന്നത്. ഇവര്ക്ക് പ്രാഥമിക ആവശ്യങ്ങള് നിര്വ്വഹിക്കുന്നതിനുള്ള സൗകര്യങ്ങള് പോലും മുനിസിപ്പല് അധികൃതര് നടപ്പിലാക്കുന്നില്ല. ഇവിടെയുള്ള ശൗചാലയം വര്ഷങ്ങളായി അടച്ചിട്ടിരിക്കുന്നതിനാല് സ്ത്രീകള് അടക്കമുള്ളവര് വളരെയേറെ ബുദ്ധിമുട്ട് അനുഭവിക്കുകയാണ്. കര്ക്കിടക വാവ് ഒഴികെ മറ്റ് ദിവസങ്ങളില് വലിയ തിരക്ക് ഉണ്ടായാല് പോലും ഇവിടെ ആവശ്യത്തിന് പോലീസുകാരെ ഡ്യൂട്ടിക്ക് നിയോഗിക്കാന് പോലും അധികൃതര് തയ്യാറാകാത്തത് ഹിന്ദുക്കളോടുള്ള അവഗണനയാണെന്നും ഇവിടെ എത്തുന്ന ഭക്തജനങ്ങള് അടക്കമുള്ളവര്ക്ക് വേണ്ടുന്ന അടിസ്ഥാന സൗകര്യങ്ങള് അടിയന്തിരമായി തയ്യാറാക്കണമെന്നും അല്ലാത്തപക്ഷം പാപനാശത്തോട് കാണിക്കുന്ന അവഗണനയ്ക്ക് എതിരെ ശക്തമായ സമരപരിപാടികള് സംഘടിപ്പിക്കുമെന്നും വിഎച്ച്പി വര്ക്കല പ്രഖണ്ഡ് പ്രമുഖ് ജനാര്ദ്ദനപുരം മണികണ്ഠന് അറിയിച്ചു.
പാപനാശത്ത് തര്പ്പണത്തിന് അടിസ്ഥാന സൗകര്യമേര്പ്പെടുത്തണം: വിഎച്ച്പി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.