ആലപ്പുഴ: സംസ്ഥാന സര്ക്കാര് പ്രഖ്യാപിച്ച ശമ്പളം നല്കാന് ബസുടമകള് തയാറാകുന്നില്ലെന്നാരോപിച്ച് ജില്ലയിലെ സ്വകാര്യ ബസ് ജീവനക്കാര് അനിശ്ചിതകാല സമരത്തിനൊരുങ്ങുന്നു. 16 മുതല് സമരം നടത്താനാണു യൂണിയനുകള് സംയുക്ത പണിമുടക്ക് നോട്ടീസ് നല്കിയത്. കഴിഞ്ഞ സെപ്തംബറില് സ്വകാര്യ ബസ് ജീവനക്കാരുടെ ശമ്പളം വര്ധിപ്പിച്ച് സര്ക്കാര് ഉത്തരവിറങ്ങിയെങ്കിലും ബസുടമകള് ഇത് നല്കാന് തയ്യാറാകാതെ വന്ന സാഹചര്യത്തിലാണ് അനിശ്ചിതകാല സമരത്തിനൊരുങ്ങുന്നതെന്ന് വിവിധ യൂണിയനുകള് വ്യക്തമാക്കി. ബിഎംഎസ്, സിഐടിയു, എഐടിയുസി യൂണിയനുകളുടെ നേതൃത്വത്തിലാണ് സംയുക്ത പണിമുടക്കിന് നോട്ടീസ് നല്കിയിരിക്കുന്നത്. അതേസമയം യൂണിയനുകളുടെ ആവശ്യം അംഗീകരിക്കാനാവാത്തതാണെന്നും നിലവില് ലഭിക്കുന്ന വേതനത്തിന്റെ ഇരട്ടിയോളം വേതനം നല്കണമെന്ന ആവശ്യം അംഗീകരിച്ചാല് വ്യവസായം പ്രതിസന്ധിയിലാകുമെന്നുമാണ് ബസുടമകള് പറയുന്നത്.
സ്വകാര്യ ബസ് ജീവനക്കാര് സമരത്തിലേക്ക്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.