ബാലരാമപുരം: തിരുവനന്തപുരം സൗത്ത് ഡിവിഷന്റെ കീഴില് വരുന്ന ബാലരാമപുരം സബ് ഓഫീസില് നിന്നും നിര്ദ്ദേശം. രണ്ടായിരത്തി പതിനാല് സപ്തംബര് മാസം വരെയുള്ള വിധവകളുടേയും വികലാംഗരുടെയും പെന്ഷന് വിതരണം ചെയ്ത് ദിവസങ്ങള് കഴിഞ്ഞപ്പോഴാണ് ഈ നിര്ദ്ദേശം. ഒക്ടോബര് മുതല് ബാക്കിയുള്ള പെന്ഷന് തുക ലഭിക്കണമെങ്കില് അടച്ച തുകയില് നിന്നും ഒരു മാസത്തെ തുക തിരിച്ചടയ്ക്കണമെന്ന നിര്ദ്ദേശവുമായി പോസ്റ്റ്മാന്മാര് വീടുകള് തോറും കയറി ഇറങ്ങുന്നത്. വളരെ തുച്ഛമായ തുക മാത്രം പെന്ഷന് ലഭിക്കുന്ന കുടുംബത്തിന്റെ ഉത്തരവാദിത്വം മുഴുവന് ചുമലിലേറ്റുന്ന വിധവകളായ ഒട്ടനവധി അമ്മമാര് ഉള്ള സമൂഹത്തോടാണ് ഭരണ വര്ഗ്ഗത്തിന്റെ ഈ ക്രൂരത. നിത്യജീവിതത്തിനായി കടം വാങ്ങി പോലും ജീവിക്കുന്ന വികലാംഗരായ ആള്ക്കാര് എന്തു ചെയ്യണമെന്ന് അറിയാതെ വീര്പ്പുമുട്ടുകയാണ്.
ഇനി പെന്ഷന് തുക നേരിട്ട് ബാങ്കിലേക്ക് വരുന്ന രീതി നിലവില് വരുന്ന സാഹചര്യത്തില് ഈ തുക തിരികെ അടച്ചില്ലെങ്കില് പെന്ഷന് ലഭിക്കില്ല എന്നതാണ് അധികാരികളുടെ ഭീഷണി. കമ്പ്യൂട്ടറില് പറ്റിയ അപാകതയാണ് എന്ന് അധികാരികള് പറയുമ്പോഴും എവിടെയാണ് വീഴ്ച എന്ന് തുറന്നു പറയാന് ഇവര് മടിക്കുന്നു. ഏകദേശം അറുനൂറ്റി തൊണ്ണൂറോളം പേര് ഇങ്ങനെ തിരിച്ച് അടയ്ക്കാന് ഉണ്ട്. ഇതില് ഇരുനൂറിനടുത്ത് പേര് അധികാരികളുടെ ഭീഷണിക്ക് മുന്പില് മുട്ടുമടക്കി. ബാക്കിയുള്ളവര് കാശില്ലാതെ നെട്ടോട്ടം ഓടുകയാണ്.
ഭഗവതി നട, കോട്ടുകാല്, ബാലരാമപുരം, കട്ടച്ചല്കുഴി, ചൊവ്വര, വെടിവച്ചാല് കോവില്, പയറ്റുവിള, റസ്സല്പുരം എന്നീ ഏഴ് പോസ്റ്റ് ഓഫീസുകളുടെ പരിധിയിലുള്ളവര്ക്കാണ് ഈ ദുരവസ്ഥ.
