കൊച്ചി: സ്വാമി ചിന്മയാനന്ദന്റെ ജന്മശതാബ്ദിയോടനുബന്ധിച്ച് അമൃതഭാരതീവിദ്യാപീഠത്തിന്റെ അഭിമുഖ്യത്തില് ജില്ലയില് നടന്നവരുന്ന ഗീതാജ്ഞാനയജ്ഞപരിപാടിയുടെ സമാപനകുറിച്ചുകൊണ്ട് ജനവരി 3ന് തൃപ്പൂണിത്തുറ ലായം റോഡിലെ ചിന്മയവിദ്യാലയ ഹാളില് ഗീതപ്രശ്നോത്തരി ദ്വിതീയ അന്തിമതല മത്സരവും ഭഗവദ്ഗീതാവിചാരസദസ്സും നടക്കും. രാവിലെ 10ന് നടക്കുന്ന ഗീതാവിചാരസദസ്സിന്റെ ഉദ്ഘാടനം ചിന്മയ അന്തര്ദേശീയകേന്ദ്രം ആചാര്യന് സ്വാമിശാരദാനന്ദ സരസ്വതികള് നിര്വ്വഹിക്കും. അമൃതഭാരതീവിദ്യാപീഠം സംസ്ഥാനാദ്ധ്യക്ഷന് ഡോ.ജി. ഗംഗാധരന് നായര് മുഖ്യപ്രഭാഷണം നടത്തും. ഭഗവദ്ഗീതയുടെ അന്തിമതലത്തില് ഒന്നാം സ്ഥാനം ലഭിക്കുന്ന മത്സരസംഘത്തിന് 3001 രൂപയും വിദ്യാലയവിജയമുദ്രയും ലഭിക്കും. രണ്ടാം സ്ഥാനം ലഭിക്കുന്ന മത്സരസംഘത്തിന് 2001 രൂപയും വിദ്യാലയവിജയമുദ്രയും ലഭിക്കും. മൂന്നാം സ്ഥാനം ലഭിക്കുന്ന മത്സരസംഘത്തിന് 1001 രൂപയും വിദ്യാലയ വിജയമുദ്രയും ലഭിക്കും. ദ്വിതിയതലത്തില് യോഗ്യതനേടിയവര് മത്സരദിനമായ ജനുവരി 3ന് രാവിലെ 9 മണിക്ക് വേദിയിലെത്തി തത്സമയ രജിസ്ട്രേഷന് നടത്തണമെന്ന് അമൃതഭാരതീ വിദ്യാപീഠം അറിയിച്ചു.
ജില്ലാതല ഭഗവദ്ഗീതാപ്രശ്നോത്തരിയും ഗീതാവിചാരസദസ്സും
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.