പന്തളം: കാറില്‍ ട്രക്ക് ഇടിച്ചുണ്ടായ അപകടത്തില്‍ കുട്ടികളടക്കം മൂന്ന് പേര്‍ക്ക് പരിക്കേറ്റു. പന്തളം കുരമ്പാല കോയിക്കല്‍ പടിഞ്ഞാറ്റേതില്‍ ഷിബി(31), പിതൃസഹോദരപുത്രന്‍ ബിജുവിന്റെ മക്കളായ കോയിക്കല്‍ പടിഞ്ഞാറ്റേതില്‍ പുത്തന്‍വീട്ടില്‍ ജോയല്‍(ഒമ്പത്), ജോന(അഞ്ച്) എന്നിവര്‍ക്കാണ് പരിക്കേറ്റത്. ഗുരുതരമായി പരിക്കേറ്റ ജോയലിനെ തീവ്രപരിചരണ വിഭാഗത്തില്‍ പ്രവേശിപ്പിച്ചിരിക്കുകയാണ്. ഇന്നലെ ഉച്ചയ്‌ക്ക് രണ്ടോടെ എംസി റോഡില്‍ കുരമ്പാല മൈനാപ്പള്ളില്‍ ജംഗ്ഷനു സമീപമായിരുന്നു അപകടം. വീട്ടില്‍ നിന്നും കാര്‍ റോഡിലേക്ക് ഇറക്കുമ്പോള്‍ തിരുവനന്തപുരത്തു നിന്നും തിരുവല്ലയിലേക്കു പോയ എന്‍സിസി ട്രക്ക് ഇടിക്കുകയായിരുന്നു. സാരമായി പരിക്കേറ്റ മൂവരേയും തിരുവല്ലയിലെ സ്വകാര്യ മെഡിക്കല്‍ കോളേജില്‍ പ്രവേശിപ്പിച്ചു.
Monday, November 25, 2024
കാറില്‍ ട്രക്ക് ഇടിച്ച് മൂന്ന് പേര്‍ക്ക് പരിക്ക്
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: