ആലപ്പുഴ: കാര്ഷിക വ്യാവസായിക പ്രദര്ശനത്തിലെ എസ്ഡി കോളജിലെ ജലവിഭവ ഗവേഷണകേന്ദ്രത്തിന്റെ സ്റ്റാള് പുതുമയും വ്യത്യസ്തയും പുലര്ത്തുന്നു. 2011 ല് ആരംഭിച്ച ജലവിഭവഗവേഷണകേന്ദ്രത്തില് കുളവാഴയും ആഫ്രിക്കന് പായലും ഉപയോഗിച്ച് വികസിപ്പിച്ചെടുത്ത വൈവിധ്യമാര്ന്ന ഉല്പ്പന്നങ്ങളാണ് അത്ഭുതപ്പെടുത്തുന്നത്. മുട്ടവയ്ക്കാനുപയോഗിക്കുന്ന ട്രേ, മ്യൂറല് പെയിന്റിങ് വരെ ചെയ്യാന് കഴിയുന്ന ക്യാന്വാസ് തുടങ്ങി ചെടിച്ചട്ടി വരെ പ്രദര്ശനത്തിനുണ്ട്. ആകെ ഭൂമിയുടെ 70 ശതമാനത്തോളം വെള്ളമായ കുട്ടനാട്ടിലെ ഭൂപ്രകൃതി കൂടി കണക്കിലെടുക്കുമ്പോള് കുളവാഴ, ആഫ്രിക്കന് പായല് എന്നിവയില് നിന്ന് വികസിപ്പിച്ചെടുക്കുന്ന ഉല്പ്പന്നങ്ങളുടെ പ്രസക്തി കൂടും. കുളവാഴയും പായലും ഉപയോഗിച്ച് രൂപമാറ്റം വരുത്തിയ ഉല്പ്പന്നങ്ങള് ജൈവികമായി നശിപ്പിക്കപ്പെടുന്നവയാണ്. ഇത് ഇവയുടെ സാധ്യത ഇരട്ടിയാക്കുന്നതായി അസോസിയേറ്റ് പ്രഫ. ജി. നാഗേന്ദ്ര പ്രഭു പറഞ്ഞു.
കുളവാഴയില് നിന്ന് ചെടിച്ചട്ടിയും ക്യാന്വാസും പുതുമയായി
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.