ആലപ്പുഴ: ജില്ലയിലെ ഐസ്പഌന്റുകളില് ജോലിചെയ്യുന്ന ജീവനക്കാര്ക്ക് മതിയായ വേതനവും, ബോണസ്സും മറ്റ് ആനുകൂല്യങ്ങളും വര്ദ്ധിപ്പിച്ച് നല്കണമെന്നും ഈ മേഖലയില് കുത്തക മുതലാളിമാര് നടത്തുന്ന തൊഴില് ചൂഷണവും, തൊഴില് നിയമങ്ങളുടെ ലംഘനവും ഉടന് അവസാനിപ്പിക്കുന്നതിനുള്ള നടപടി തൊഴില്വകുപ്പ് സ്വീകരിക്കണമെന്നും ബിഎംഎസ് ജില്ലാ സെക്രട്ടറി സി. ജി. ഗോപകുമാര് ആവശ്യപ്പെട്ടു.
ജില്ലയിലെ വിവിധ ഐസ്ഫാക്ടറികളില് പണി ചെയ്തിരുന്ന വിവിധ യൂണിയനുകളില്പ്പെട്ട തൊഴിലാളികളെ ബിഎംസ്സിലേക്ക് സ്വീകരിച്ച് ഐസ്ഫാക്ടറി എംപ്ളോയീസ് സംഘ്(ബിഎംഎസ്) രൂപീകരിച്ച് സംസാരിക്കുകയായിരുന്നു അദ്ദേഹം. ബിഎംഎസ് അമ്പലപ്പുഴ മേഖലാ പ്രസിഡന്റ് പി. യശോധരന് അദ്ധ്യക്ഷത വഹിച്ചു. ബിഎംഎസ് ജില്ലാ ജോയിന്റ് സെക്രട്ടറി ബിനീഷ് ബോയി മുഖ്യപ്രഭാഷണം നടത്തി. യാണിയന് നേതാക്കളായ ഡി. ദിലീപ്, സന്തോഷ്കുമാര്, പി. സന്തോഷ്,നോജു, കുട്ടന് എന്നിവര് സംസാരിച്ചു. ഭാരവാഹികളായി പ്രസിഡന്റ്- പി. യശോധരന്, വൈസ്പ്രസിന്റുമാര്- സന്തോഷ്കുമാര്, നോജു, ജനറല് സെക്രട്ടറി- ബിനീഷ്ബോയി, സെക്രട്ടറിമാര്- കുട്ടന്, പി. സന്തോഷ്, ഖജാന്ജി- ഡി. ദിലീപ്.
