ആലപ്പുഴ: പൊക്കമില്ലായ്മയാണെന്റെ പൊക്കമെന്ന കവി വചനത്തെ അക്ഷരം പ്രതി ശരിവയക്കുന്നതാണ് എസ്ഡിവി മൈതാനത്ത് ആരംഭിച്ച ‘അഗ്രക്സ്’ ജില്ലാ കാര്ഷിക-വ്യാവസായിക പ്രദര്ശനത്തില് ഏവരെയും സ്വീകരിക്കു ബോണ്സായി മരങ്ങളുടെ ശ്രേണി.
ആലിനത്തില്പ്പെട്ട അമ്പതുവര്ഷം പഴക്കമുള്ള ഫൈക്കസ് ലിപ്സ്റ്റിക്ക് ആണ് കൂട്ടത്തില് ഏറ്റവും വൃദ്ധനായ മരം. ആലിനത്തില്പ്പെട്ട ഈ മരത്തിന് കഷ്ടിച്ച് അരയടിപോലും ഉയരമില്ല. വലിയ മരങ്ങളുടെ എല്ലാ സവിശേഷതകളുമുള്ള കുള്ളന്മരങ്ങളാണ് ബോണ്സായി. 16 വയസ്സുള്ള ബനിയന് ട്രീ, ബോധി ഫൈക്കസ് തുടങ്ങി 35 ബോണ്സായി മരങ്ങളുടെ ശ്രേണി പ്രദര്ശനത്തിനെത്തുന്ന ഏവരെയും ആകര്ഷിക്കുന്നു. കൊച്ചിക്കാരനായ ലീനസ് സേവ്യര് പനയ്ക്കലിന്റെ ശേഖരത്തിലുള്ളതാണ് ഈ കുള്ളന്മാരായ മരങ്ങള്.
അമ്പത് വര്ഷം പഴക്കമുള്ള ഫൈക്കസ് ലിപ്സ്റ്റിക്ക് തന്റെ അച്ഛന് പി.എസ്.ജോസഫില് നിന്ന് കൈമാറി ലഭിച്ചതാണെ് ലീനസ് പറഞ്ഞു. ജില്ലയിലെ വിവിധ കര്ഷകര് ഉല്പ്പാദിപ്പിച്ച കാര്ഷിക വിളകളുടെ വന് ശേഖരം തന്നെ പ്രദര്ശനത്തിന് എത്തിയിട്ടുണ്ട്. ആകെയുള്ള എണ്പത് സ്റ്റാളുകളില് പകുതിയിലധികം സര്ക്കാരിന്റെ വിവിധ വകുപ്പുകളുടേതാണ് എന്ന പ്രത്യേകതയും പ്രദര്ശനത്തിനുണ്ട്.
കൃഷി വകുപ്പിന്റെയും ക്ഷീരവകുപ്പിന്റെയും സ്റ്റാളുകളും ഏറെപ്പേരെ ആകര്ഷിക്കുന്നു.
