ഈരാറ്റുപേട്ട: മര്ദ്ദനത്തെത്തുടര്ന്ന് ചികിത്സയിലായിരുന്ന ഭാര്യ മരിച്ച സംഭവത്തില് ഭര്ത്താവ് മൂന്നിലവ് തൃക്കാരിയൂര് വിനോദി(37)നെ പോലീസ് അറസ്റ്റു ചെയ്തു. വിനോദിന്റെ ഭാര്യ മജോയുടെ മരണത്തില് ദുരൂഹതയുണ്ടെന്ന് പിതാവ് തിടനാട് പോണാടന്കുന്നേല് ഗോപിനാഥന് ആചാരി നല്കിയ പരാതിയെത്തുടര്ന്ന് നടത്തിയ അന്വേഷണത്തിലാണ് വിനോദ് പിടിയിലായത്. മര്ദ്ദനത്തിലുണ്ടായ ക്ഷതത്തില് വയറിനുളളിലുണ്ടായ അണുബാധയാണ് മരണകാരണമെന്ന് പ്രാഥമിക പോസ്റ്റ് മോര്ട്ടം റിപ്പോര്ട്ടിലെ സൂചനയെത്തുടര്ന്നാണ് അറസ്റ്റ്. കുറ്റകരമായ നരഹത്യയ്ക്കാണ് വിനോദിനെതിരെ കേസെടുത്തിരിക്കുന്നത്. നാലുവര്ഷം മുന്പായിരുന്നു ഇവരുടെ വിവാഹം. വിനോദ് പലപ്പോഴും മജോയെ മര്ദ്ദിച്ചിരുന്നതായി പിതാവ് പരാതിയില് പറഞ്ഞിരുന്നു. ഒരാഴ്ച മുമ്പായിരുന്നു മജോയ്ക്ക് വിനോദില് നിന്ന് മര്ദനമേറ്റത്. ഇതേത്തുടര്ന്ന് മജോയെ പിതാവ് വീട്ടിലേയ്ക്ക് കൂട്ടിക്കൊണ്ടു പോരുകയും ഈരാറ്റുപേട്ടയിലെ സ്വകാര്യ ആശുപത്രിയില് പ്രവേശിപ്പിക്കുകയുമായിരുന്നു. തുടര്ന്ന് മെഡിക്കല് കോളജിലേയ്ക്ക് മാറ്റിയെങ്കിലും വ്യാഴാഴ്ച രാവിലെ മജോ മരിച്ചു. ഈരാറ്റുപേട്ട സി.ഐ. സി.ജി സനല്കുമാര്, എസ.്ഐ കെ.എസ് ജയന് എന്നിവരുടെ നേതൃത്വത്തില് മെഡിക്കല് കോളജ് പരിസരത്തു നിന്നാണ് പ്രതിയെ അറസ്റ്റു ചെയ്തത്.
മജോയുടെ മരണം: ഭര്ത്താവിനെ അറസ്റ്റ് ചെയ്തു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.