കോട്ടയം: സംസ്ഥാന സാംസ്കാരിക വകുപ്പിന്റെ നേതൃത്വത്തിലുള്ള സുവര്ണ്ണം 2015 എന്ന സാംസ്കാരികോത്സവം സമാരംഭിച്ചു.
നഗരത്തിന്റെ വിവിധ ഭാഗങ്ങളിലായുള്ള വേദികളില് വിവിധ പ്രദര്ശനങ്ങള് നടക്കും. സെമിനാറുകള്, ശില്പ്പശാലകള്, സിംപോസിയങ്ങള്, പുരാരേഖ പുരാവസ്തു പ്രദര്ശനങ്ങള്, ദേശീയ നാടന് കലാമേള, സാംസ്കാരിക സന്ധ്യകള്, കഥകളി, തുടങ്ങിയ വൈവിധ്യമാര്മ്മ പരിപാടികള് അരങ്ങേറും. ഇന്നലെ തിരുനക്കര മൈതാനത്ത് സാംസ്കാരികോത്സവത്തിന്റെ ഉദ്ഘാടനം മുഖ്യമന്ത്രി ഉമ്മന്ചാണ്ടി നിര്വ്വഹിച്ചു. ഉദ്ഘാടനം ചടങ്ങില് അസി.കളക്ടര് ഡോ.ദിവ്യ.എസ്.അയ്യര് ആലപിച്ച ഈശ്വരപ്രാര്ത്ഥന ഏറെ ആകര്ഷണീയമായി. മലയാളഭാഷയുടെ നെടുംതൂണാണ് സാംസ്കാരിക വകുപ്പ് എന്ന് മുഖ്യമന്ത്രി അഭിപ്രായപ്പെട്ടു. സാംസ്കാരിക സംഘടനകളുടെയും ഒരുകൂട്ടായ്മയാണ് മേളയുടെ ലക്ഷ്യമെന്നും അദ്ദേഹം പറഞ്ഞു. ബുക്ക്മാര്ക്ക് അവാര്ഡ് വിതരണവും ലളിതകലാ അക്കാദമിയുടെ പ്രത്യേക പതിപ്പ് ചിതക്രവാര്ത്തയുടെ പ്രകാശനവും മുഖ്യമന്ത്രി നിര്വ്വഹിച്ചു. സാംസ്കാരിക പപരിപാടികളുടെ ഉദ്ഘാടനം മന്ത്രി തിരുവഞ്ചൂര് രാധാകൃഷ്ണന് നിര്വ്വഹിച്ചു. ഭാരതത്തിലെ പത്തോളം സംസ്ഥാനത്തെ കലാകാരന്മാര് ഈ ദിവസങ്ങളില് പരിപാടികള് അവതരിപ്പിക്കും. സാംസ്കാരിക വകുപ്പ് സെക്രട്ടറി റാണി ജോര്ജ്ജ് റിപ്പോര്ട്ട് അവതരിപ്പിച്ചു. ഉദ്ഘാടനത്തിന് മുന്നോടിയായി പെരുവനം കുട്ടന്മാരാരുടെ പഞ്ചാരിമേളവും നടന്നു. മോന്സ് ജോസഫ് എംഎല്എ, സിഎഫ് തോമസ് എംഎല്എ, കാട്ടൂര് നാരായണപിള്ള, പെരുമ്പടവം ശ്രീധരന്, ഇ.എം.സജിത്ത്, ജി.പ്രേംകുമാര്, ജെ.റജികുമാര്, ഡോ.സുലേഖ, എം.സന്തോഷ് കുമാര്, മുഹമ്മദ് അഹമ്മദ്, കെ.എ.ഫ്രാന്സീസ്, സത്യനേശന്, ബാബു കുഴിമറ്റം തുടങ്ങിയ പ്രമുഖര് പ്രസംഗിച്ചു.
