മട്ടാഞ്ചേരി: നാളികേരത്തിന്റെ മൂല്യവര്ധിത ഉല്പന്ന നിര്മ്മാണ വിപണന സാധ്യതകള് പ്രയോജനപ്പെടുത്താന് വ്യവസായിക ലോകം തയ്യാറാകണമെന്ന് നാളികേര വികസന ബോര്ഡ് ചെയര്മാന് ടി.കെ. ജോസ് പറഞ്ഞു. നാളികേര ഉല്പാദനത്തില് പാരമ്പര്യവും മുന്നേറ്റവും പ്രകടമാക്കിയ ഇന്ത്യ മൂല്യവര്ധിത ഉല്പന്ന മേഖലയില് ഏറെ പിന്നിലാണ്. ഇതര രാജ്യങ്ങള് ഈ രംഗത്ത് വന് കുതിച്ചു ചാട്ടം നടത്തുമ്പോള് കേരളമടക്കമുള്ള കേരോല്പന്ന മേഖല ഇന്നും സാധ്യതകള് പ്രയോജനപ്പെടുത്തുന്നില്ലെന്ന് ആദ്ദേഹം പറഞ്ഞു. ഇന്ത്യന് വാണിജ്യ വ്യവസായ മണ്ഡലത്തില് നടന്ന യോഗത്തില് സംസാരിക്കുകയായിരുന്നു ബോര്ഡ് ചെയര്മാന്. കരിക്കിന് വെള്ളത്തിന്റെ ഉപഭോഗത്തില് അമേരിക്കന് വിപണിയുടെ മുന്നേറ്റം 64 ശതമാനമാണ്. നാളികേര ത്തെ ഭക്ഷ്യ ഉല്പന്ന പട്ടികയില് നിന്ന് കാര്ഷികോല്പന്ന പട്ടികയിലേയ്ക്ക് ഉള്പ്പെടുത്തി കൊണ്ട് വിപണന കയറ്റുമതി സാധ്യതകള് പ്രയോജനപ്പെടുത്തണമെന്നും ആദ്ദേഹം പറഞ്ഞു.യോഗത്തില് ഇന്ത്യന് വാണിജ്യ മണ്ഡലം പ്രസിഡന്റ് കെ.ബി.രാജന് അ് ദ്വക്ഷത വഹിച്ചു. വൈസ് പ്രസിഡന്റ് വി.രാമലിംഗം സംസാരിച്ചു.
നാളികേര മൂല്യവര്ധിത ഉല്പന്ന സാധ്യത വ്യവസായിക ലോകം പ്രയോജനപ്പെടുത്തണം: ടി.കെ.ജോസ്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.