പത്തനംതിട്ട:അടൂരില്‍ രണ്ടുപെണ്‍കുട്ടികള്‍ ക്രൂരമായി ബലാത്സംഗം ചെയ്യപ്പെട്ട കേസ് അട്ടിമറിക്കപ്പെടുന്നതായി ഹിന്ദുഐക്യവേദി ആരോപിച്ചു.
കേസില്‍പ്പെട്ട പ്രതികള്‍ക്ക് ഭരണകക്ഷിയുടെ പിന്‍ബലമുണ്ട്. കേസന്വേഷണത്തെ പറ്റി ജനങ്ങളും കുട്ടികളുടെ മാതാപിതാക്കളും ആശങ്കാകുലരാണ്. നേരായ ദിശയില്‍ അന്വേഷണം നീങ്ങിയില്ലെങ്കില്‍ പ്രത്യക്ഷസമരപരിപാടികള്‍ ആരംഭിക്കുമെന്ന് ഹിന്ദുഐക്യവേദി സംസ്ഥാനജനറല്‍സെക്രട്ടറി ഇ.എസ്.ബിജു,സംസ്ഥാനസമിതിയംഗംഅമ്പോറ്റികോഴഞ്ചേരി,ജില്ലാ സംഘടനാ സെക്രട്ടറി അശോകന്‍ അടൂര്‍,ജില്ലാ ജനറല്‍സെക്രട്ടറി ബി.സുരേഷ് എന്നിവര്‍ അറിയിച്ചു.
അടൂര്‍ സംഭവത്തില്‍ ഉള്‍പ്പെട്ടിട്ടുള്ള യഥാര്‍ത്ഥ പ്രതികളെ അറസ്റ്റ് ചെയ്യാത്ത പക്ഷം ശക്തമായ പ്രക്ഷോഭത്തിന് രൂപം നല്‍കുമെന്നു് ഹിന്ദു ഐക്യവേദി സംസ്ഥാന വൈസ് പ്രസിഡന്റ് പി.ജി.ശശികല ടീച്ചര്‍ അടൂരില്‍ ചേര്‍ന്ന യോഗത്തില്‍ പറഞ്ഞു. സ്‌കൂള്‍ വിദ്യാര്‍ത്ഥികളെ ക്രൂരമായി ബലാത്സംഗം ചെയ്ത പ്രതികളെ മുഴുവനായി പിടികൂടുവാന്‍ ഇതുവരെ പോലീസിന് കഴിഞ്ഞിട്ടില്ല. പ്രതികളുടെ ഉന്നത രാഷ്‌ട്രീയ ബന്ധമാണിതിന് കാരണം. അന്വേഷണം ജനങ്ങളുടെ കണ്ണില്‍ പൊടിയിടാനുള്ള പ്രഹസനം മാത്രമാണ്. കോന്നി പെണ്‍കുട്ടികളുടെ ദൂരൂഹ മരണത്തിലും പിന്നിലുള്ളവരെ കണ്ടെത്തണമെന്നും ടീച്ചര്‍ പറഞ്ഞു. താലൂക്ക് പ്രസിഡന്‍് ബി.അനില്‍കുമാര്‍ അദ്ധ്യക്ഷതവഹിച്ചു. വി.ശിവരാമപിള്ള, കെ.ശ്രീധരന്‍, കെ.ശശിധരന്‍, ഡി.അശോകന്‍, കെ.വിനോദ് , ഡോക്ടര്‍ അശ്വിന്‍ എന്നിവര്‍ സംസാരിച്ചു
പ്രതികരിക്കാൻ ഇവിടെ എഴുതുക: