തൊടുപുഴ: പുറപ്പുഴ തറവട്ടത്ത് സുബ്രഹ്മണ്യസ്വാമി ദേവസ്വം ട്രസ്റ്റിന്റെ ആഭിമുഖ്യത്തില് ഭാഗവത സപ്താഹ യജ്ഞത്തോടനുബന്ധിച്ച് 9 കുടുംബങ്ങള്ക്ക് ഭൂമി സൗജന്യമായി വിതരണം ചെയ്തു. സ്വന്തമായി ഭൂമിയില്ലാത്ത ഒന്പത് കുടുംബങ്ങള്ക്ക് വീട് വയ്ക്കാനായാണ് 45 ലക്ഷം രൂപ വിലയുള്ള 30 സെന്റ് ഭൂമി നല്കിയത്. ദേവസ്വം ട്രസ്റ്റിലേക്ക് കൈമാറിയിരിക്കുന്ന എം എ മോഹനന്പിള്ള മൈലാടിയില്, ബാലകൃഷ്ണന് ചെട്ടിയാംകുന്നേല്, രവീന്ദ്രന് നായര് മ്യാലില്, ലളിത മോവോപ്പിള്ളില്, മുത്തുവീരന്പിള്ള പുതിയേടത്തുകുന്നേല്, പി ശാരദ പൂന്തോപ്പില് വഴിത്തല, രാധാകൃഷ്ണപിള്ള കന്യായില്, സുരേഷ് ബാബു ശങ്കുപുരത്തില്, സി എന് ഷിനുകുമാര് ചിറയ്ക്കല് എന്നിവരുടെ ഭൂമിയാണ് വിതരണം ചെയ്തത്. അനുമോന് ചവറണാല് പുറപ്പുഴ, നിഷാദ് ഗോപാല് മുണ്ടോക്കുഴിയില്, അനു ചെട്ടിയാംകുന്നേല്, മനീഷ പുതുപ്പരിയാരം, ശ്രീജ രാജപ്പന് കരിങ്കുന്നം, ശോഭന സുരേഷ് വിളയില്, മഞ്ജു ലാലു കുണിഞ്ഞി, ശ്യാമള സാംബശിവന്, ശശി ശുചീന്ദ്രദാസ് മടക്കത്താനം എന്നിവര്ക്കാണ് ഭൂമി ലഭിച്ചത്. ട്രസ്റ്റിന്റെ നേതൃത്വത്തില് ചികിത്സാ സഹായ നിധിയിലൂടെ ഒരു ലക്ഷത്തോളം രൂപ മുന്പ് വിതരണം ചെയ്തിരുന്നു. ട്രസ്റ്റില് ഇപ്പോള് 230 അംഗങ്ങളാണുള്ളത്. മനുഷ്യ ജീവിതത്തില് ജ്ഞാനത്തേക്കാളും ധ്യാനത്തേക്കാളും ത്യാഗത്തിനാണ് മുന്തൂക്കമെന്ന് ഭഗവത്ഗീതയില് പരാമര്ശിക്കുന്നുണ്ടെന്ന് യജ്ഞാചാര്യന് നീലംപേരൂര് പുരുഷോത്തമദാസ് പ്രഭാഷണത്തില് പറഞ്ഞു. യജ്ഞം ഇന്നലെ സമാപിച്ചു. ഭൂമിയുടെ രജിസ്ട്രേഷന് നടപടികള് ജനുവരി 30 ന് മുമ്പ് നടക്കുമെന്നും അഗംങ്ങള് അറിയിച്ചു.
മാതൃകയായി തറവട്ടം ദേവസ്വം ട്രസ്റ്റ് 9 കുടുംബങ്ങള്ക്ക് ഭൂമിദാനം ചെയ്തു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.