മുംബൈ: മദ്യപിച്ച് വാഹനമോടിച്ച്് ഒരാളുടെ മരണത്തിനിടയാക്കിയെന്ന കേസില് ബോളീവുഡ് താരം സല്മാന് ഖാനെതിരെ തെളിവ് നിര്ണ്ണായകമല്ലെന്ന് ഹൈക്കോടതി. കേസില് ഇന്ന് വിധി പ്രസ്താവന നടത്തും. സല്മാന് ഖാന്റെ ബോഡിഗാര്ഡ് രവീന്ദ്ര പാട്ടീല് പോലീസിനു നല്കിയ മോഴി കോടതിയില് തെളിയിക്കുന്നതില് പ്രോസിക്യൂഷന് പരാജയപ്പെട്ടു.
അതിനാല് താരത്തിനെതിരെ ഇപ്പോള് സമര്പ്പിച്ചിട്ടുള്ള തെളിവുകള് കുറ്റം തെളിയിക്കാന് നിര്ണ്ണായകമല്ലെന്നും കോടതി നിരീക്ഷിച്ചു. കേസ് പരിഗണിച്ചിരുന്ന മുംബൈ കീഴ്ക്കോടതി സല്മാനെ കുറ്റക്കാരനെന്ന് കണ്ടെത്തി അഞ്ചുവര്ഷം തടവിനു വിധിച്ചിരുന്നു ഇതിനെതിരെ സമര്പ്പിച്ച ഹര്ജിയിലാണ് ഹൈക്കോടതി ഇത്തരത്തില് പ്രസ്താവന നടത്തിയത്.
2002 സപ്തംബര് 28ന് മദ്യലഹരിയില് വാഹനമോടിച്ച് ഒരാളുടെ മരണത്തിനിടയാക്കിയെന്നതാണ് കേസിനാസ്പദമായ സംഭവം. ഇതിനെ തുടര്ന്ന് സല്മാന്ഖാനെതിരെ കേസ് രജിസ്റ്റര് ചെയ്ത് അന്വേഷണവും ആരംഭിച്ചു. അതേസമയം മദ്യലഹരിയില് വാഹനം ഓടിക്കുന്നതില് നിന്നും അദ്ദേഹത്തെ അപകടമുണ്ടാകുമെന്ന് വിലക്കിയിരുന്നു. എന്നാല് അത് വകവെയ്ക്കാതെ ഓടിക്കുകയായിരുനെന്നും ബോഡീഗാര്ഡ് രവീന്ദ്ര പാട്ടീല് അദ്ദേഹത്തിനെതിരെ എഫ്ഐആറില് മൊഴി രേഖപ്പെടുത്തിയിരുന്നു. എന്നാല് 2007ല് രവീന്ദ്ര പാട്ടീല് മരിച്ചുപോയതിനാല് വിചാരണയില് അദ്ദേഹത്തെ മോഴി ഉള്പ്പെടുത്താന് സാധിച്ചിരുന്നില്ല.
അതേസമയം എഫ്ഐആറില് പറയുന്നത് ശരിവെയ്ക്കുന്നതിനായി പാട്ടീലിനെ കോടതിയില് ഹാജരാക്കാന് സാധിച്ചില്ല. അതിനാല് ഇതുമാത്രം കണക്കിലെടുത്ത് ഒരാളെ കുറ്റക്കാരനെന്ന് കെണ്ടത്താന് സാധിക്കില്ലെന്നും കോടതി വിധിച്ചു.
