കോഴിക്കോട്: മത്സ്യബന്ധനത്തിനിടെ അപകടത്തില്പ്പെട്ടവരെ രക്ഷിക്കുന്നതിനിടെ മരണമടഞ്ഞ മത്സ്യത്തൊഴിലാളികളോടുള്ള അവഗണനക്കും വിവേചനത്തിനുമെതിരെ ബിജെപിയുടെയും ഭാരതീയ മത്സ്യപ്രവര്ത്തകസംഘത്തിന്റെയും സംയുക്താഭിമുഖ്യത്തില് കലക്ടറേറ്റിന് മുന്നില് പ്രതിഷേധ ധര്ണ്ണ നടത്തും.
ഒന്പതിന് രാവിലെ 10.30ന് നടക്കുന്ന ധര്ണ്ണ ബിജെപി സംസ്ഥാന ജനറല് സെക്രട്ടറി കെ. സുരേന്ദ്രന് ഉദ്ഘാടനം ചെയ്യും.
നവംബര് 28ന് കോരപ്പുഴ അഴിമുഖത്തുവെച്ചുനടന്ന അപകടത്തില് കണ്ണന്കടവ് മൊയ്തീന്കോയ, പ്രേമന് എന്നിവരെ രക്ഷപ്പെടുത്തി സഹദേവന് എന്ന സഹപ്രവര്ത്തകനെ രക്ഷപ്പെടുത്തുവാനുള്ള ശ്രമത്തിലാണ് രാജീവന് എന്ന മത്സ്യത്തൊഴി ലാളി മരണമടഞ്ഞത്.
രക്ഷാപ്രവര്ത്തനത്തിനിടെ ജീവന് വെടിഞ്ഞ രാജീവന്റെ ആശ്രിതന് സര്ക്കാര് ജോലി നല്കാനും 60 വയസ്സ് കഴിഞ്ഞുവെന്ന കാരണത്താല് മത്സ്യത്തൊഴിലാളി ക്ഷേമനിധി അടക്കമുള്ള മറ്റു ഇന്ഷൂറന്സ് ആനുകൂല്യങ്ങള് ഒന്നും ലഭ്യമാകാത്ത സഹദേവന്റെ കുടുംബത്തിന് 10 ലക്ഷം രൂപ നഷ്ടപരിഹാരം നല്കാനും സര്ക്കാര് തയ്യാറാവണമെന്ന് മത്സ്യപ്രവര്ത്തക സംഘം ആവശ്യപ്പെട്ടു. ഈ ആവശ്യങ്ങള് ഉന്നയിച്ചുകൊണ്ടാണ് പ്രതിഷേധ ധര്ണ്ണ സംഘടിപ്പിക്കുന്നത്. ജില്ലാ കലക്ടറും ജില്ലാ ഫിഷറീസ് ഓഫീസും ഇക്കാര്യത്തില് കാണിക്കുന്ന നിസ്സംഗതയും അവഗണനയും പ്രതിഷേധാര്ഹമാണ്. ആവശ്യങ്ങള് അംഗീകരിക്കുന്നില്ലെങ്കില് പ്രക്ഷോഭങ്ങള് വ്യാപിപ്പിക്കും. മറ്റുപലരുടെയും കാര്യത്തില് ഉദാരമായ സമീപനം കൈ ക്കൊണ്ട സര്ക്കാര്, പാവപ്പെട്ട മത്സ്യതൊഴിലാളികളുടെ കാര്യത്തില് ക്രൂരമായ അവഗണനയും നഗ്നമായ വിവേചനവുമാണ് കൈക്കൊള്ളുന്ന തും മത്സ്യപ്രവര്ത്തക സം ഘം യോഗം അഭിപ്രായപ്പെട്ടു.
പി.പി. സദാനന്ദന്റെ അ ദ്ധ്യക്ഷതയില് ചേര്ന്ന യോഗത്തില് പി. രഘുനാഥ്, കെ. രജനീഷ് ബാബു, ടി. ജയപാലന് എന്നിവര് സംസാരിച്ചു.
