ചേര്ത്തല: റവന്യൂ ജില്ലാ സ്കൂള് ശാസ്ത്ര, ഗണിത, സാമൂഹ്യ ഐടി പ്രവര്ത്തി പരിചയമേള ഇന്നും നാളെയുമായി നഗരത്തിലെ വിവിധ വിദ്യാലയങ്ങളില് നടക്കും. ജില്ലയിലെ പതിനൊന്ന് ഉപജില്ലകളില് നിന്നും നാലായിരത്തോളം കുട്ടികള് മേളയില് മാറ്റുരയ്ക്കും.
ശാസ്ത്രമേള എസ്എന്എംജിബിഎച്ച്എസ്എസിലും, ഗണിതശാസ്ത്രമേള, ഗവ. ഗേള്സ് ഹയര് സെക്കന്ററി സ്കൂളിലും, സാമൂഹ്യശാസ്ത്രമേള മതിലകം ലിറ്റില് ഫഌവര് യുപി. സ്കൂളിലും, പ്രവര്ത്തി പരിചയമേള മുട്ടം ഹോളിഫാമിലി ഹയര് സെക്കന്ററി സ്കൂളിലും, ഐടി മേള സെന്റ് മേരീസ് ഗേള്സ് ഹൈ സ്്കൂളിലുമായാണ് നടക്കുന്നത്.
ഇന്ന് രാവിലെ 10 ന് ശ്രീനാരായണ മെമ്മോറിയല് ഗവ. ബോയ്സ് ഹയര്സെക്കന്ഡറി സ്കൂളില് എ.എം. ആരിഫ് എംഎല്എ മേള ഉദ്ഘാടനം ചെയ്യും. പി. തിലോത്തമന് എംഎല്എ അദ്ധ്യക്ഷത വഹിക്കും.
തുടര്ന്ന് ശാസ്ത്ര പ്രദര്ശന മല്സരങ്ങളും പ്രൊജക്ട് അവതരണങ്ങളും നടക്കും. ലിറ്റില് ഫഌവര് യുപിഎസില് രാവിലെ പ്രസംഗം, പ്രാദേശിക ചരിത്ര രചന, അറ്റ്ലസ് നിര്മാണം എന്നീ മല്സരങ്ങളും നാളെ വര്ക്കിങ് മോഡല്, സ്റ്റില് മോഡല് എന്നിവയുടെ പ്രദര്ശനവും എല്പി വിഭാഗം മല്സരങ്ങളും നടക്കും. ഗവ. ഗേള്സ് ജിഎച്ച്എച്ച്എസില് എല്ലാ വിഭാഗങ്ങളുടെയും തല്സമയ നിര്മാണ മല്സരം ആരംഭിക്കും. ഹോളിഫാമിലി ഹയര് സെക്കന്ററി സ്കൂളില് രാവിലെ പത്തിന് തല്സമയ നിര്മാണ മല്സരങ്ങള് തുടങ്ങും. നാളെ പ്രദര്ശനം ഉണ്ടായിരിക്കും. സെന്റ് മേരീസ് ജിഎച്ച്എസ്എസില് രാവിലെ 9.30 ന് മള്ട്ടി മീഡിയ പ്രസന്റേഷന്, യുപി. വിഭാഗം ഡിജിറ്റല് പെയിന്റിങ്, എച്ച്്എസ്. വിഭാഗം വെബ് പേജ് ഡിസൈനിങ്, ഐടി പ്രൊജക്ട്, ഐടി. ക്വിസ് മല്സരം എന്നിവ നടക്കും.
നാളെ എച്ച്എസ്എസ് വിഭാഗം വെബ് പേജ് ഡിസൈനിങ്, മലയാളം ടൈപ്പിങ് എന്നീ മല്സരങ്ങളും നടക്കും. വൈകിട്ട് നാലിന് നടക്കുന്ന സമാപനസമ്മേളനത്തില് എം. ജയശങ്കര് അദ്ധ്യക്ഷത വഹിക്കും. ഉദ്ഘാടനവും സമ്മാനദാനവും ഡിവൈഎസ്പി എന്.എന്. പ്രസാദ് നിര്വഹിക്കും.
