കോട്ടയം: കോട്ടയത്ത് ഇരട്ടി മധുരവുമായി ബിജെപി. നഗരസഭയിലുള്പ്പെടെ 104 വാര്ഡുകളിലാണ് ബിജെപി വിജയം നേടിയത്. 2010 ലെ തെരഞ്ഞെടുപ്പിനെ അപേക്ഷിച്ച് ഇരട്ടിയിലധികം സീറ്റുകള് നേടാന് പാര്ട്ടിക്കു കഴിഞ്ഞു. ഏറ്റുമാനൂരിലും ചങ്ങനാശേരിയിലും ബിജെപി നിര്ണ്ണായക ശക്തിയാകും. ഏറ്റുമാനൂരില് 5ഉം ചങ്ങനശേരിയില് 4ഉം സീറ്റുകള് വീതമാണ് ബിജെപി നേടിയത്. ഇരു നഗരസഭകളിലും ബിജെപിയെയോ സ്വതന്ത്രരെയോ ആശ്രയിക്കാതെ ഭരണം സാധ്യമാവില്ല. കോട്ടയത്ത് ആറു വാര്ഡുകളില് വിജയം നേടാന് ബിജെപി സമത്വമുന്നണി കൂട്ടുകെട്ടിനായി. വൈക്കത്ത് രണ്ട് താമര വിരിയിച്ചാണ് വിജയം ആഘോഷിച്ചത്. പാലായില് ഒരു സീറ്റ് നേടാനും പാര്ട്ടിക്ക് കഴിഞ്ഞു. ഗ്രാമപഞ്ചായത്തുകളിലും ബിജെപി സമത്വമുന്നണി സഖ്യം കരുത്തറിയിച്ച മുന്നേറ്റമാണ് നടത്തിയത്. 5 സീറ്റുകള് നേടിയ അയ്മനത്തും 6 സീറ്റുകള് കരസ്ഥമാക്കിയ ചിറക്കടവിലും മൂന്നു വാര്ഡുകളില് വിജയിച്ച കൊഴുവനാലിലും ബിജെപി നിര്ണ്ണായക ശക്തിയാണ്. കുറിച്ചി, മീനച്ചില് തുടങ്ങിയ ജില്ലയിലെ പകുതിയോളം പഞ്ചായത്തുകളിലും ബിജെപി സ്വാധീനശക്തിയായി മാറി. കഴിഞ്ഞ പഞ്ചായത്ത് തെരഞ്ഞെടുപ്പില് ലഭിച്ചതിലും ഇരട്ടി വാര്ഡുകളില് കൂടുതല് പഞ്ചായത്തുകളില് പ്രാതിനിധ്യം ഉറപ്പിക്കുവാനും ബിജെപിക്കും സമത്വമുന്നണിക്കും കഴിഞ്ഞിട്ടുണ്ട്. ഒരു ബ്ലോക്ക് പഞ്ചായത്ത് ഡിവിഷനില് ബിജെപിക്ക് ജയിക്കാന് കഴിഞ്ഞുവെന്നത് വലിയ നേട്ടമയി വിലയിരുത്തപ്പെടുന്നു. വാഴൂര് ഗ്രാമപഞ്ചായത്തിലെ ചെറുവള്ളി ഡിവിഷനാണ് ബിജെപി നേടിയെടുത്തത്.
ഇരട്ടിമധുരവുമായി ബിജെപി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.