സിംഗപ്പൂര്: വനിതാ ഡബിള്സില് സാനിയ മിര്സ-മാര്ട്ടിന ഹിംഗിസ് സഖ്യത്തിന്റെ കുതിപ്പ് തുടരുന്നു. ഡബ്ല്യുടിഎ ഡബിള്സ് ഫൈനലില് ജയിച്ച് സീസണിലെ ഒമ്പതാം കിരീടം സ്വന്തമാക്കി സാനിയ-ഹിംഗിസ് കൂട്ടുകെട്ട്. ചൈനീസ് തായ്പേയിയുടെ ചാന് ഹാവോ ചിങ്-ചാന് യങ് ജാന് സഖ്യത്തെ തുടര്ച്ചയായ സെറ്റില് കീഴടക്കി ഒന്നാം സീഡായ ഇന്തോ-സ്വിസ് ജോഡി, സ്കോര്: 6-4, 6-2.
സിന്സിനാറ്റി സെമിഫൈനലില് ഈ കൂട്ടുകെട്ടിനോടു തോറ്റ ശേഷം തോല്വി അറിഞ്ഞിട്ടില്ല സാനിയയും ഹിംഗിസും. തുടര്ച്ചയായ 21ാം ജയമാണിത്. മൂന്നാം സീഡായ തായ് ജോഡി ആദ്യ സെറ്റില് 3-1ന് മുന്നിലെത്തി. എന്നാല്, തിരിച്ചടിച്ച ജേതാക്കള് സെറ്റ് കൈക്കിലാക്കി. രണ്ടാമത്തേതില് കാര്യമായ പോരാട്ടത്തിനായില്ല എതിരാളികള്ക്ക്.
