കുമരകം: ജില്ലയില് തെരഞ്ഞെടുപ്പ് പ്രചരണത്തിന് ചുക്കാന് പിടിക്കാന് പ്രതിപക്ഷനേതാവ് വി.എസ്. അച്യുതാനന്ദന് കുമരകത്ത് എത്താഞ്ഞത് ഇടതുമുന്നണിക്ക് കനത്ത അടിയായി. ശാരീരിക അസ്വസ്ഥതയേത്തുടര്ന്ന് വിശ്രമിക്കുന്നതിനാലാണ് വി.എസ് പരിപാടികളില് പങ്കെടുക്കാന് എത്താഞ്ഞത് എന്നാണ് പ്രവര്ത്തകര് പറയുന്നത്. വി.എസ് പ്രചരണത്തിന് എത്തുന്നതിന്റെ ഭാഗമായി എല്ലാ വാര്ഡുകളിലും മൈക്ക് അനൗണ്സ്മെന്റ് നടത്തിയിരുന്നു. ആഴ്ച്ചകള്ക്ക് മുന്പ്തന്നെ വി.എസ്സിന്റെ ഫ്ളക്സുകളും മറ്റും നിരന്നിരുന്നു. ബിജെപിയും സമത്വമുന്നണിയുമായുള്ള മൂന്നാംമുന്നണിക്ക് ജനങ്ങള് നല്കുന്ന പിന്തുണ ഇടത് മുന്നണി നേതാക്കളുടേയും പ്രവര്ത്തകരുടേയും ഉറക്കം കെടുത്തുകയാണ്. വി.എസിനെ കൊണ്ട് വന്ന് നെടുംനീളന് പ്രസംഗംങ്ങള് നടത്തി ജനങ്ങളുടെ മനസ്സ് മാറ്റാം എന്ന് വിചാരിച്ചിരുന്ന ഇടത് മുന്നണിപ്രവര്ത്തകര്ക്ക് വി.എസ് എത്താതിരുന്നത് കനത്ത തിരിച്ചടിയായി. ഇടതുപക്ഷത്തില് നിന്നും ബിജെപിയിലേക്കും സമത്വമുന്നണിയിലേക്കും പ്രവര്ത്തകര് ദിനംതോറും കടന്ന് വരുന്നത് സിപിഎമ്മിന്റെ മുപ്പത്തിയേഴു വര്ഷത്തെ ദുര്ഭരണത്തിന് അന്ത്യം കുറിക്കുമെന്നാണ് ജനങ്ങള് പറയുന്നത്.
കുമരകത്ത് ഇടത് മുന്നണിക്ക് പരാജയഭീതി ഏറുന്നു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.