ബത്തേരി : നവംബര് 23ന് കാസര്ഗോഡ്നിന്നും പുറപ്പെടുന്ന സമത്വ സന്ദേശയാത്ര തലസ്ഥാന നഗരിയിലെത്തുമ്പോള് തിരുവനന്തപുരം ശംഖുമുഖത്ത് നവകേരളത്തിന്റെ രാഷ്ട്രീയഗാഥയ്ക്ക് തുടക്കമാകുമെന്ന് എസ്എന്ഡിപി ഉപാദ്ധ്യക്ഷന് തുഷാര് വെളളാപ്പളളി വ്യക്തമാക്കി. എസ്എ ന്ഡിപി യോഗത്തിന്റെ പുല് പ്പളളി-ബത്തേരി നേത്യസംഗമത്തില് സംസാരിക്കുകയായിരുന്നു അദ്ദേഹം.
ഹൈന്ദവസമൂഹം മൊത്തത്തിലും ഈഴവ, തീയ്യ ജനവിഭാഗം പ്രത്യേകിച്ചും നേരിടുന്ന അവഗണനയ്ക്കും ശാശ്വതപരിഹാരത്തിനുളള ശ്രമമാണിതെന്നും വെളളാപ്പളളി വ്യക്തമാക്കി. കേരളീയ പൊതുസമൂഹത്തില് ജാതി-മത വിഭാഗീയത രൂപപ്പെടുത്തിയതില് മുസ്ലീംലീഗിനുളള പങ്ക് വളരെ വലുതാണ്. മുസ്ലീം വനിതകള് വിധവകളായാല് അവര്ക്ക് പലവിധത്തിലുളള ധനസഹായ പദ്ധതികള് നടപ്പാക്കിയതും മുക്രിമാര്ക്ക് പൊതുഖജനാവില്നിന്ന് പെന്ഷന് നല്കിയതും ലീഗാണ്. സച്ചാര് കമ്മിറ്റിയുടെ മറപിടിച്ചുകൊണ്ട് മുസ്ലീം-ക്രിസ്ത്യന് വിദ്യാര്ത്ഥികള്ക്ക് സ്ക്കോളര്ഷിപ്പ് നല്കിയ പാലോളി കമ്മിറ്റിയും മതപരമായ വിഭാഗീയത കുരുന്നുമനസ്സുകളില്പോലും നട്ടുവളര്ത്തുകയാണ് ചെയ്തത്.
ഭരണരംഗത്ത് ഹൈന്ദവസമൂഹം നേരിടുന്ന അവഗണനയാണ് പുതിയ രാഷ്ട്രീയ ശക്തിയാകാന് എസ്എന്ഡിപിയേയും സമാന ചിന്താഗതിക്കാരേയും പ്രേരിപ്പിച്ചത്. ചരിത്രത്തെ വളച്ചൊടിച്ചും തമസ്ക്കരിച്ചും സിപിഎം നടത്തുന്ന വിലാപങ്ങള് പുതിയകാലം പുച്ഛിച്ചു തളളുകയാണ്. വരുന്ന തെരഞ്ഞടുപ്പുകള് സിപിഎമ്മിന് സുനാമിയായിരിക്കുമെന്നും ഹതുടര്ന്ന് പ്രസംഗിച്ചവര് മുന്നറിയിപ്പ് നല്കി.
എന്.കെ.ഷാജി അദ്ധ്യക്ഷത വഹിച്ചു. സന്തോഷ് അരയക്കണ്ടി, അഡ്വ.അനില് പിബോസ്, രമേശ് അടിമാലില് കെഎസ്.സാബു തുടങ്ങിയവര് പ്രസംഗിച്ചു
