കാസര്‍കോട്: 10 ഗ്രാം കഞ്ചാവുമായി യുവാവിനെ പോലീസ് പിടികൂടി. തളങ്കര കെ.കെ പുറത്തെ ഇല്ല്യാസി(33)നെയാണ് കാസര്‍കോട് ടൗണ്‍ പോലീസ് അറസ്റ്റു ചെയ്തത്. ഇന്നലെ വൈകിട്ട് കാസര്‍കോട് ഹെഡ്‌പോസ്‌റ്റോഫീസിന് മുന്നില്‍ വെച്ചാണ് ഇല്ല്യാസിനെ പോലീസ് പിടികൂടിയത്.
കഞ്ചാവു കടത്തുന്ന സംഘത്തിലെ പ്രധാന കണ്ണിയാണ് ഇല്ല്യാസെന്ന് പോലീസ് പറഞ്ഞു. നേരത്തെ കഞ്ചാവ് കേസില്‍ പ്രതിയായ ഒരാളാണ് ഇല്ല്യാസിന് കഞ്ചാവ് കൈമാറിയതെന്നാണ് പൊലീസിന് ലഭിച്ചിരിക്കുന്ന സൂചന. ചോദ്യം ചെയ്യലില്‍ കഞ്ചാവ് സംഘത്തില്‍ പെട്ട ചിലരെ കുറിച്ചും പോലീസിന് വിവരം ലഭിച്ചിട്ടുണ്ട്. സംഘത്തെ പിടികൂടാന്‍ പോലീസ് അന്വേഷണം ഊര്‍ജിതമാക്കി.
പ്രതികരിക്കാൻ ഇവിടെ എഴുതുക: