കണ്ണൂര്‍: ഈ വര്‍ഷത്തെ മുല്ലനേഴി പുരസ്‌ക്കാരത്തിന് കരിവെള്ളൂര്‍ മുരളി അര്‍ഹനായി. മുല്ലനേഴി ഫൗണ്ടേഷന്‍ നല്‍കുന്ന 15,001രൂപയും പ്രശസ്തിപത്രവും ഫലകവും അടങ്ങുന്നതാണ് പുരസ്‌ക്കാരം. മുല്ലനേഴിയുടെ ജന്മനാട്ടിലെ അവിണിശ്ശേരി സര്‍വ്വീസ് സഹകരണബാങ്ക് ആണ് പുരസ്‌ക്കാരം ഏര്‍പ്പെടുത്തിയത്. ഡോ.ബി.ഇക്ബാല്‍(ചെയര്‍മാന്‍), ഡോ.ജോര്‍ജ്ജ് എസ്. പോള്‍, ഡോ.കാവുമ്പായി ബാലകൃഷ്ണന്‍, ഡോ.സി.രാവുണ്ണി(മെമ്പര്‍ സെക്രട്ടറി) എന്നിവരടങ്ങിയ ജൂറിയാണ് അവാര്‍ഡ് നിശ്ചയിച്ചത്. കേരളസര്‍ക്കാര്‍, കേരളസംഗീതനാടക അക്കാഡമി, കേരളസാഹിത്യ അക്കാഡമി, അബുദാബി ശക്തി, കെഎസ്‌കെ തളിക്കുളം, കുവൈത്ത് കല, എന്നിവ ഏര്‍പ്പെടുത്തിയ അവാര്‍ഡുകളും ബഹുമതികളും ലഭിച്ചിട്ടുള്ള മുരളി എ.വി.കുഞ്ഞമ്പു- ദേവയാനി ദമ്പതികളുടെ മകനാണ്.
Tuesday, November 26, 2024
മുല്ലനേഴി പുരസ്‌ക്കാരം കരിവെള്ളൂര്‍ മുരളിക്ക്
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: