കുമളി: കുമളി എക്‌സൈസ് ചെക്ക്‌പോസ്റ്റില്‍ കൂടി കടത്തിയ കാല്‍ കിലോ കഞ്ചാവ് പിടികൂടി. തമിഴ്‌നാട് ഗൂഢല്ലൂരില്‍ നിന്നും വാങ്ങിച്ച് മുണ്ടക്കയത്തേക്ക് കൊണ്ടുപോകുകയായിരുന്ന കഞ്ചാവാണ് ചെക്ക് പോസ്റ്റിലെ എക്‌സൈസ് ഉദ്യോഗസ്ഥര്‍ പിടികൂടിയത്. മുണ്ടക്കയം കേന്ദ്രീകരിച്ച് ചില്ലറ വില്‍പ്പന നടത്തുന്ന മുണ്ടക്കയം പാറയില്‍ പുരയിടം സ്വദേശി വാഴക്കാലായില്‍ സലിം (56) ആണ് പിടിയിലായത്. കാല്‍ക്കിലോ കഞ്ചാവ് പേപ്പറില്‍ പൊതിഞ്ഞ് അടിവസ്ത്രത്തിനുള്ളിലായി ഒളിപ്പിച്ച് വച്ച് ചെക്ക്‌പോസ്റ്റിന് മുന്നിലൂടെ നടന്ന് വരികയായിരുന്നു. പ്രതിയെ കൂടുതല്‍ അന്വേഷണങ്ങള്‍ക്കായി വണ്ടിപ്പെരിയാര്‍ എക്‌സൈസ് അധികൃതര്‍ക്ക് കൈമാറി. തുടര്‍ന്ന് കോടതിയില്‍ ഹാജരാക്കി റിമാന്‍ഡ് ചെയ്തു. എക്‌സൈസ് ചെക്ക് പോസ്റ്റിലെ എക്‌സൈസ് ഇന്‍സ്‌പെക്ടര്‍ സെല്‍വരാജന്‍ നേതൃത്വം നല്‍കി.
Thursday, December 26, 2024
ചെക്ക് പോസ്റ്റിലൂടെ കഞ്ചാവ് കടത്തിയ മുണ്ടക്കയം സ്വദേശി അറസ്റ്റില്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: