ആലപ്പുഴ: സര്ക്കാര് ഉത്തരവുകള് കാറ്റില്പ്പറത്തി സ്വകാര്യ പ്രാക്ടീസ് നടത്തുന്ന ഡോക്ടര്മാരുടെ വീടുകളില് വിജിലന്സ് പരിശോധന തുടരും. കഴിഞ്ഞ ദിവസം ആലപ്പുഴ മെഡിക്കല് കോളജിലെ നാല് ഡോക്ടര്മാരുടെ വീടുകളില് വിജിലന്സ് റെയ്ഡ് നടത്തി. സര്ക്കാര് സര്വന്റ് കോണ്ട്രാക്ട് റൂളിന്റെയും 2009ല് സംസ്ഥാന സര്ക്കാര് സ്വകാര്യ പ്രാക്ടീസ് നിര്ത്തലാക്കിയതിന്റെ ഉത്തരവിന്റെയും ലംഘനം കണ്ടെത്തിയതിന്റെ അടിസ്ഥാനത്തില് ആശുപത്രികളില് കൂടി പരിശോധന പൂര്ത്തിയാക്കി ദിവസങ്ങള്ക്കുള്ളില് വിജലന്സ് ഡയറക്ടര്ക്ക് റിപ്പോര്ട്ട് സമര്പ്പിക്കുമെന്ന് ഉദ്യോഗസ്ഥര് അറിയിച്ചു.
മെഡിക്കല് കോളജിലെ സര്ജനായ ഡോ.ഷാജഹന്റെ കായംകുളത്തെ വീട്ടിലും ഓര്ത്തോ വിഭാഗത്തിലെ ഡോ.സലീമിന്റെ ആലപ്പുഴ ജവഹര് ബാലഭവന് സമീപത്തെ വീട്ടിയിലും ഗൈനകോളജിസ്റ്റായ ഡോ. സതു തോമസ് കോശിയുടെ ആലപ്പുഴ ജനറല് ആശുപത്രിക്ക് സമീപത്തെ വീട്ടിലും ഓങ്കോളജിസ്റ്റായ പ്രവീണ് ജെ. നൈനാന്റെ കൊമ്മാടിയിലെ വീട്ടിലുമാണ് വിജിലന്സ് റെയ്ഡ് നടത്തിയത്. രോഗികളില് നിന്നും ഡോക്ടര്മാര് കൈപ്പറ്റിയ 17,000 രൂപയും കണ്ടെത്തി.
2009ല് സംസ്ഥാന സര്ക്കാര് സ്വകാര്യ പ്രക്ടീസ് നിര്ത്തലാക്കിയതിന് ശേഷം നോണ് പ്രാക്ടീസ് അലവന്സ് കൈപ്പറ്റുന്നവരായിരുന്നു ഇവരെന്ന് വിജിലന്സ് വ്യക്തമാക്കി. ഡോക്ടര്മാരുടെ വീടുകളിലെത്താതെ നേരിട്ട് ആശുപത്രിയിലെത്തുന്നവരെ അഡ്മിറ്റ് ചെയ്യുന്നില്ല, ഓപ്പറേഷനുകള് വൈകിപ്പിക്കുന്നു തുടങ്ങിയ പരാതി നിരന്തരമായി ഉയര്ന്ന സാഹചര്യത്തിലായിരുന്നു റെയ്ഡ്. 1,000 മുതല് 8,000 രൂപ വരെയാണ് ഓരോ ഡോക്ടര്മാരില് നിന്നും കണ്ടെത്തിയത്. പരിശോധന സമയത്ത് 30 മുതല് 40 വരെ രോഗികള് ചികിത്സക്കായി കാത്തു നില്ക്കുന്നുണ്ടായിരുന്നുവെന്ന് വിജിലന്സ് വ്യക്തമാക്കി. ഇവരില് പലരും അഞ്ചിലധികം തവണ ചികിത്സക്കായി ഡോക്ടര്മാരുടെ വീടുകളിലെത്തിയവരാണ്.
