കുറ്റിപ്പുറം: അനധികൃതമായി മിനിലോറിയില്‍ കടത്തിയ മണല്‍ പിടികൂടി. കുറ്റിപ്പുറം ചെമ്പില്‍ ഭാഗങ്ങളില്‍ അനധികൃത മണലെടുപ്പ് വര്‍ദ്ധിച്ചു വരികയാണ്. കുളിക്കടവുകളില്‍ ഇതുമൂലം വലിയ അപകട ഭീഷണി നിലനില്‍ക്കുന്നുണ്ട്. ഏതാനും ദിവസങ്ങള്‍ക്ക് മുമ്പ് ഇവിടെ കുളിക്കാനിറങ്ങിയ ഒരാള്‍ മുങ്ങിമരിച്ചിരുന്നു. ഇതിനെതിരെ നാട്ടുകാര്‍ പ്രതിഷേധവുമായി രംഗത്ത് വന്നപ്പോഴാണ് പോലീസ് ശക്തമായ പരിശോധന ആരംഭിച്ചത്. ഇന്നലെ കുറ്റിപ്പുറം എസ്‌ഐയുടെ നേതൃത്വത്തില്‍ ചെമ്പിക്കലില്‍ നടത്തിയ പരിശോധനയിലാണ് മണല്‍ പിടിച്ചെടുത്തത്. ഇത്തരത്തിലുള്ള മണല്‍ മാഫിയകളെ സഹായിക്കാന്‍ രാഷ്‌ട്രീയക്കാര്‍ രംഗത്തുള്ളത് കൊണ്ട് പോലീസിന് കൂടുതലായൊന്നും ചെയ്യാന്‍ സാധിക്കുന്നില്ല.
Saturday, November 23, 2024
അനധികൃതമായി കടത്തിയ മണല്‍ പിടികൂടി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: