ഏറ്റുമാനൂര്: സാങ്കേതികവിദ്യയുടെ മികവില് ഏറ്റുമാനൂര് ഗ്രാമപഞ്ചായത്ത് കേരളത്തില് ഒന്നാംസ്ഥാനത്തേക്ക് കുതിക്കുന്നു.
ടൗണിലേയും പരിസരത്തേയും സിസി ക്യാമറ, ടോക്കണ് സിസ്റ്റം പിന്നാലെ കമ്പ്യൂട്ടര് ടച്ച് സ്ക്രീന് സ്ഥാപിച്ചു. ഗുണഭോക്താക്കള് അപേക്ഷകള് സമര്പ്പിച്ചാല് തുടര് നടപടി ക്രമങ്ങള് എന്തായെന്ന് അപേക്ഷകര്ക്ക് തന്നെ ടച്ച് സ്ക്രീനിലൂടെ നോക്കിയാല് അറിയാന് കഴിയും. ഗ്രാമപഞ്ചായത്തില് സാങ്കേതികവിദ്യയുടെ മികവിനെ ജോസ് കെ.മാണി എം.പി പ്രശംസിച്ചു. ഗ്രാമപഞ്ചായത്ത് പ്രസിഡന്റ് ജോര്ജ്ജ് പുല്ലാട് അദ്ധ്യക്ഷതവഹിച്ചു. ജോസ് കെ.മാണി എം.പി ഉദ്ഘാടനം ചെയ്തു. ലൗലി ജോര്ജ്ജ്, ബി.സുശീലന്നായര്, പി.ചന്ദ്രകുമാര് , സൂസന് തോമസ്, ജോസ്മോന് മുണ്ടയ്ക്കല്, ജയിംസ് തോമസ് പ്ലാക്കിതെട്ടി, ബിജു, മറ്റ് പഞ്ചായത്ത് മെമ്പര്മാര് എന്നിവര് പ്രസംഗിച്ചു.
