കായംകുളം: കരീലക്കുളങ്ങരയില് ആര്എസ്എസ് പ്രകടനത്തിലേക്ക് സിപിഎം- ഡിവൈഎഫ്ഐക്കാര് ബൈക്ക് ഇടിച്ചുകയറ്റി പ്രകടനം അലങ്കോലപ്പെടുത്താന് ശ്രമിച്ചത് ചിത്രീകരിച്ച മാധ്യമപ്രവര്ത്തകനെ അക്രമിച്ച സംഭവം ഒതുക്കിത്തീര്ക്കാന് ശ്രമം.
പ്രാദേശിക ചാനല് ക്യാമറാമാനും കൃഷ്ണപുരം പഞ്ചായത്തിലെ പ്രതിപക്ഷനേതാവും ലോക്കല് കമ്മറ്റിയംഗവുമായ അജയന് അമ്മാസിനെ ഒരുസംഘം സിപിഎം- ഡിവൈഎഫ്ഐക്കാര് വളഞ്ഞിട്ട് മര്ദ്ദിക്കുകയും ചിത്രീകരിക്കാന് ഉപയോഗിച്ച ക്യാമറ തല്ലിത്തകര്ക്കുകയും ചെയ്ത സംഭവം ഒതുക്കിത്തീര്ക്കാനും സംഭവം സംഘപരിവാര് സംഘടനകളുടെമേല് കെട്ടിവയ്ക്കാനുമാണ് ശ്രമം. സിപിഎമ്മില് നിന്നും അണികളുടെ കൊഴിഞ്ഞുപോക്ക് രൂക്ഷമായതോടെ അക്രമ രാഷ്ട്രീയത്തിലൂടെ അണികളെ കേസില് കുടുക്കി നിര്ത്താനുള്ള ഗൂഢശ്രമത്തിന്റെ ഭാഗമായാണ് പ്രദേശത്ത് പാര്ട്ടി അക്രമരാഷ്ട്രീയം നടപ്പാക്കുന്നത്.
എന്നാല് സിപിഎമ്മിന്റെ ഈ നീക്കം മനസ്സിലാക്കിയ അണികള് കൂട്ടത്തോടെ പാര്ട്ടി വിടുന്ന അവസ്ഥയാണ് സം ജാതമായിരിക്കുന്നത്. കഴിഞ്ഞ ദിവസം സംഘപരിവാര് പ്രകടനത്തിലേക്ക് സിപിഎമ്മുകാര് ബൈക്ക് ഇടിച്ച് കയറ്റിയ സംഭവത്തില് ആര്എസ്എസ് പ്രവര്ത്തകനായ ഹരിപ്പാട് ഉള്ളന്നൂര് ഷിബുവിന് ഗുരുതരമായ പരിക്കേറ്റിരുന്നു. ഇയാള് ആലപ്പുഴ മെഡിക്കല് കോളേജില് ചികിത്സയിലാണ്.
തലയ്ക്ക് പരിക്കേറ്റ മാധ്യമപ്രവര്ത്തകന് കായംകുളം സര്ക്കാര് ആശുപത്രിയിലും ചികിത്സയിലാണ്.
