നമ്മുടെ സാമൂഹ്യ സാംസ്കാരിക രാഷ്ട്രീയ നേതാക്കന്മാര്ക്ക് വര്ഗീയതയുടെയും മതത്തിന്റെയും കാര്യങ്ങളെപ്പറ്റി അഭിപ്രായങ്ങള് വിളമ്പുന്നത് ഒരു സുഖമാണ്. ഒന്നു ചോദിക്കട്ടെ ഈ മുസ്ലിംലീഗിനെ വര്ഗീയതയില്പ്പെടുത്താമോ? അതോ മതമില്ലാത്തതാണോ? നമ്മുടെ വിദ്യാഭ്യാസമന്ത്രി തികഞ്ഞൊരു മതവിശ്വാസിയായ മുസ്ലിം ആണ്. നിലവിളക്ക് കത്തിക്കുന്നത് അദ്ദേഹത്തിന്റെ മതവിശ്വാസത്തിനു ചേര്ന്നൊരു സംഗതിയല്ല. ഇത്ര മതവിശ്വാസമുള്ള പാര്ട്ടിയും മന്ത്രിയും ഒരുകാര്യം മനസ്സിലാക്കണം.
ഇന്ത്യയൊരു മതേതര രാഷ്ട്രമാണ്. ഇവിടെ മെഴുകുതിരിയും നിലവിളക്കും ചന്ദനത്തിരിയുമൊക്കെ കത്തിക്കുന്നവരുമുണ്ട്. മന്ത്രിയുടെ മണ്ഡലത്തില് മുസ്ലിങ്ങളുടെ വോട്ടുകൊണ്ട് മാത്രമാണോ അധികാരത്തിലെത്തിയത്? ഒരു കാര്യം കൂടി ഓര്മിപ്പിക്കുന്നു. ഭാരതത്തില് വിദ്യയുടെ ദേവത തന്നെയുണ്ട്, സരസ്വതി. ഇതിന്റെ സങ്കല്പ്പം തന്നെ താമരയില് ഇരിക്കുന്നത് എന്നാണ്. ഇങ്ങനെയുള്ള വകുപ്പ് കൈകാര്യം ചെയ്യാന് അദ്ദേഹത്തിന് സാധിക്കുമോയെന്നാണ് എന്റെ സംശയം.
ഇനിയെങ്കിലും നമ്മള് യഥാര്ത്ഥ ജനപ്രതിനിധികളെ മാത്രമേ തെരഞ്ഞെടുക്കാവൂ. മതം മാത്രമാണ് ഞാന് എന്ന ചിന്താഗതിയുള്ള ഒരുത്തനെപ്പോലും ജനങ്ങള് തെരഞ്ഞെടുക്കരുത്. മതം മാത്രമാണ് വലുത് മനുഷ്യനല്ല എന്ന കരുതുന്നവര് രാജ്യത്തിനും ജനങ്ങള്ക്കും നാശം വിതക്കുന്നവരാണ് എന്ന് തിരിച്ചറിയേണ്ട കാലം അതിക്രമിച്ചിരിക്കുന്നു.
പ്രതികരിക്കാൻ ഇവിടെ എഴുതുക: