പനയം: പനയം പഞ്ചായത്തില് സിപിഎമ്മുകാര് ബിജെപി പ്രവര്ത്തകര്ക്ക് നേരെ അക്രമം നടത്തുന്നത് ബിജെപി വരാന് പോകുന്ന പഞ്ചായത്ത് തെരഞ്ഞെടുപ്പില് വിജയിച്ച് ഭരണത്തിലെത്തുമെന്ന ഭയം മൂലമാണെന്ന് ബിജെപി ജില്ലാ പ്രസിഡന്റ് എം.സുനില്.
പനയത്ത് ബിജെപി പഞ്ചായത്ത് സമിതി നടത്തിയ പ്രതിഷേധമാര്ച്ച് ഉദ്ഘാടനം ചെയ്യുകയായിരുന്നു അദ്ദേഹം. അഴിമതിക്കെതിരെയാണ് ബിജെപി സമരം നടത്തുന്നത്. കഴിഞ്ഞനാലര വര്ഷം പാവപ്പെട്ട ജനങ്ങളുടെ വികസനം അട്ടിമറിച്ചവരാണ് പനയം പഞ്ചായത്ത് ഭരിക്കുന്നത്. അഴിമതി ആരോപിക്കുന്നവരെ അക്രമരാഷ്ട്രീയത്തിലൂടെ കീഴ്പ്പെടുത്തി വിജയിക്കാമെന്ന സിപിഎമ്മിന്റെ ബുദ്ധി പനയത്തെ ജനങ്ങള് തിരിച്ചറിഞ്ഞു കഴിഞ്ഞു. നരേന്ദ്രമോദിസര്ക്കാര് അധികാരത്തിലെത്തിയ ശേഷം പഞ്ചായത്തുകള് വഴി കോടികണക്കിന് രൂപയാണ് വന്ന് മറിയുന്നത്. ഇത് സാധാരണക്കാരന്റെ വികസനത്തിന് ഊന്നല് നല്കേണ്ടതിന് പകരം അട്ടിമറിക്കുകയാണ്. തൊഴിലുറപ്പ് നിര്ത്താന് പോകുന്നവെന്ന വ്യാജ പ്രചരണം ജനങ്ങള് തള്ളി കളഞ്ഞപ്പോള് ഇപ്പോള് 150 തൊഴില്ദിനങ്ങള് നല്കാതെ ജനങ്ങളെ തെറ്റിദ്ധരിപ്പിക്കുകയാണെന്നും സുനില് പറഞ്ഞു. പഞ്ചായത്ത് സമിതി പ്രസിഡന്റ് രതീഷ് ആര് അദ്ധ്യക്ഷത വഹിച്ചു ആര്എസ്എസ് നേതാവ് സി.കെ.ചന്ദ്രബാബു, ജില്ലാകാര്യവാഹ് സി.പ്രദീപ്, ബിജെപി നേതാക്കളായ എസ്.ദിനേഷ്കുമാര്, അഡ്വ.വിനോദ്, സജിത്ത് എസ്ആര്, അനില്കുമാര്, അനന്തകൃഷ്ണന് എന്നിവര് സംസാരിച്ചു.
