ചേര്‍ത്തല: സിപിഎമ്മിന്റെ ജനകീയ പ്രതിരോധത്തിന് പിരിവ് നല്‍കാത്തതിന്റെ പേരില്‍ മുറുക്കാന്‍ കട തകര്‍ത്ത്, ഉടമയെയും ബന്ധുവിനെയും ആക്രമിച്ചതായി പരാതി. ചേര്‍ത്തല നഗരസഭ എട്ട് കുളത്രക്കാട് ക്ഷേത്രത്തിന് സമപം പൂജവെളി മന്മഥന്‍(52), സഹോദര ഭാര്യ പ്രഭ(48) എന്നിവരാണ് ചേര്‍ത്തല ഗവ.താലൂക്ക് ആശുപത്രിയില്‍ ചികില്‍സയിലുള്ളത്.
ഇന്നലെ വൈകിട്ടായിരുന്നു സംഭവം. സിപിഎം അനുഭാവിയായിരുന്ന മന്മഥന്‍ മുമ്പ് പാര്‍ട്ടി പരിപാടികളില്‍ പോകുമായിരുന്നുവത്രേ. പരിപാടിക്ക് പിരിവും നല്‍കിയില്ല, പങ്കെടുക്കുവാനും പോകാത്തതിനെചൊല്ലി സമരം കഴിഞ്ഞു വന്ന പ്രവര്‍ത്തകരുമായി വാക്കുതര്‍ക്കമുണ്ടാവുകയും തുടര്‍ന്ന് ഇവരെ മര്‍ദ്ദിച്ച് കട തകര്‍ക്കുകയുമായിരുന്നുവെന്നാണ് പരാതി. ചേര്‍ത്തല പോലീസ് കേസെടുത്തു. ചേര്‍ത്തലയില്‍ പല പ്രദേശങ്ങളിലും സിപിഎമ്മുകാര്‍ ഇത്തരത്തില്‍ ഭീഷണിപ്പെടുത്തി പണപ്പിരിവ് നടത്തിയതായി പരാതി ഉയര്‍ന്നിട്ടുണ്ട്. സമരം പൊളി ഞ്ഞ സാഹചര്യത്തില്‍ പങ്കെടുക്കാതിരുന്നവര്‍ക്കെതിരെ പ്രതികാര നടപടി ഉണ്ടാകാനാണ് സാദ്ധ്യത.
പ്രതികരിക്കാൻ ഇവിടെ എഴുതുക: