ആലപ്പുഴ: അമിത ഭാരം കയറ്റിയ തടിലോറി നിയന്ത്രണം വിട്ട് വൈദ്യുതി പോസ്റ്റിലിടിച്ച് ലോറി ജീവനകാര്‍ക്ക് പരിക്ക,് ഇവരെ ആശുപത്രി പ്രവേശിപ്പിച്ചു. ലോറി ഡ്രൈവര്‍ തിരുവനന്തപുരം പന്തയില്‍ അഗസ്റ്റില്‍ ഭാവനത്തില്‍ സുരേഷ്‌കുമാര്‍ (30) ക്ലിനര്‍ ഗോകുല്‍ (40) എന്നിവരെയാണ് വണ്ടാനം മെഡിക്കല്‍ കോളേജ് ആശുപത്രി പ്രവേശിപ്പിച്ചത്.
ഇന്നലെ പുലര്‍ച്ചെ 1.30 ഓടെ പുന്നപ്ര ദേശിയ പാതയില്‍ കപ്പകടജങ്ഷനിലായിരുന്നു അപകടം. കൊല്ലത്തുനിന്നും തടിയുമായി പെരുമ്പാവുര്‍ക്ക് പോകുകയായിരുന്ന ലോറി നിയന്ത്രണം വിട്ട് സമീപത്തെ വൈദ്യുതി പോസ്റ്റിലിടിക്കുകയായിരുന്നു. ഇടിയുടെ ആഘാതത്തില്‍ വൈദ്യുതി പോസ്റ്റ് പൂര്‍ണ്ണമായും തകരുകയും ലോറി തലകീഴായി മറിയുകയുമായിരുന്നു.
ശബ്ദം കേട്ട് ഓടിയെത്തിയ നാട്ടുകാര്‍ പോലിസിലും വൈദ്യുതിഓഫീസിലും വിവരം അറിയിച്ചു. തുടര്‍ന്ന് വൈദ്യുതി ബന്ധം വിച്ഛേദിച്ച് ലോറിക്കുള്ളില്‍ കുടുങ്ങിയ ജീവനക്കാരെ രക്ഷപ്പെടുത്തി ആശുപതിയിലെത്തിക്കുകയായിരുന്നു. ലോറിയില്‍ അമിതഭാരം കയറ്റിയതും റോഡില്‍ തെരുവുവിളക്കുകള്‍ പ്രകാശിക്കാതിരുന്നതുമാണ് അപകടകാരണമെന്ന് പറയപ്പെടുന്നു.
പ്രതികരിക്കാൻ ഇവിടെ എഴുതുക: