പാലാ: മിനി സിവില്‍ സ്റ്റേഷനു സമീപം ബസ് കാത്തിരിപ്പു കേന്ദ്രം വേണമെന്ന് ആവശ്യം. പാലായില്‍ നിന്ന് രാമപുരം, കൂത്താട്ടുകുളം, ഏഴാച്ചേരി, ഉഴവൂര്‍, എറണാകുളം ഭാഗങ്ങളിലേക്കുള്ള യാത്രക്കാര്‍ക്ക് സുരക്ഷിതമായി നില്‍ക്കാന്‍ ഇടമില്ല.
ഗവ. ഹയര്‍ സെക്കണ്ടറി സ്‌കൂളിനോട് ചേര്‍ന്ന് താല്‍ക്കാലിക കേന്ദ്രമുണ്ടെങ്കിലും കുറച്ചുപേര്‍ക്ക് മാത്രം നില്‍ക്കാനുള്ള സൗകര്യമേ ഇവിടെയുള്ളു. ഗവ. ഹയര്‍ സെക്കന്ററി സ്‌കൂള്‍, സെന്റ് മേരീസ് ഹയര്‍ സെക്കണ്ടറി സ്‌കൂള്‍, മിനി സിവില്‍ സ്റ്റേഷന്‍ എന്നിവടങ്ങളില്‍ നിന്നും വിവിധ സ്ഥാപനങ്ങളില്‍ ജോലി ചെയ്യുന്നവരും ഇവിടെയാണ് ബസ് കാത്തുനില്‍ക്കുന്നത്.
പ്രതികൂല കാലാവസ്ഥയാണെങ്കില്‍ വ്യാപാര സ്ഥാപനങ്ങളുടെ വരാന്തയില്‍ അഭയം തേടുകയാണിപ്പോള്‍. ഇവിടെ ആധുനിക നിലവാരത്തിലുള്ള ബസ് കാത്തിരുപ്പു കേന്ദ്രം നിര്‍മ്മിക്കുവാന്‍ അധികാരികള്‍ നടപടി സ്വീകരിക്കണമെന്ന ആവശ്യം ശക്തമായി.
പ്രതികരിക്കാൻ ഇവിടെ എഴുതുക: