മുണ്ടക്കയം: ടി.ആര്‍.ആന്റടി എസ്റ്റേറ്റിലെ വിവിധ സ്ഥലങ്ങളില്‍ നിന്ന് പശുക്കളെ മോഷ്ടിച്ച് ഇറച്ചിക്കടയില്‍ വില്‍ക്കുന്നതിനെതിരേ നടപടി സ്വീകരിക്കണമെന്ന് വിശ്വഹിന്ദുപരിഷത്ത് ആവശ്യപ്പെട്ടു. ചെന്നാപ്പാറ സ്വദേശികളായ എ.മോഹനന്‍, പാട്ടത്തില്‍വീട്ടില്‍ സിജു എന്നിവരുടെ മൂന്ന് പശുക്കളെയാണ് കഴിഞ്ഞ ഒരുമാസത്തിനുള്ളില്‍ മോഷ്ടാക്കള്‍ കടത്തിക്കൊണ്ടുപോയി വണ്ടന്‍പാതയിലുള്ള ഇറച്ചികടയുടമയ്‌ക്ക് വിറ്റത്. ഇതിനെ സംബന്ധിച്ച് പോലീസില്‍ പരാതി നല്‍കിയിട്ടുണ്ട്.
കൊമ്പുകുത്തി സ്വദേശിയും നിരവധി ക്രിമിനല്‍ കേസുകളില്‍ പ്രതിയുമായ ഔസേപ്പാണ് പശുക്കളെ കടത്തിക്കൊണ്ടുപോകുന്നതെന്ന് പരാതിക്കാര്‍ പരാതിയില്‍ പറയുന്നത്. എസ്റ്റേറ്റില്‍ ഉള്ള നിരവധി പശുക്കളെ തട്ടിക്കൊണ്ടുപോകല്‍ ഈ മേഖലയില്‍ പതിവാണ്. ചെനനിറഞ്ഞുനില്‍ക്കുന്ന പശുക്കളോടുള്ള ക്രൂരതയ്‌ക്കെതിരേ വേണ്ടപ്പെട്ടവര്‍ ശക്തമായ നടപടികള്‍ സ്വീകരിക്കണമെന്ന് വിഎച്ച്പി മുണ്ടക്കയം പ്രഖണ്ഡ് സെക്രട്ടറി വേണുക്കുട്ടന്‍നായര്‍ , കോരുത്തോട് പഞ്ചായത്ത് സെക്രട്ടറി വിജയന്‍ പുതുപ്പറമ്പില്‍ എത്തിവര്‍ ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: