തിരുവനന്തപുരം : ഗ്രാമ ഹൃദയങ്ങള് കീഴടക്കാന് കേരളത്തിലെ ആയിരം പഞ്ചായത്തുകളില് എന്റെ കട ഉടനെത്തുന്നു. ചെറുകിട സംരംഭകരുടെ ഉത്പ്പന്നങ്ങള്ക്കൊപ്പം അന്താരാഷ്ട്ര നിലവാരമുള്ള സാധനങ്ങളും വമ്പിച്ച വിലക്കുറുവില് ജനങ്ങളിലെത്തിക്കും. എന്റെ കടയുടെ രജിസ്ട്രേഷന് അവസാനഘട്ടത്തിലാണ്. ഓരോ പഞ്ചായത്തിലും ഒന്നുവീതമെന്ന കണക്കില് നല്കുന്ന എന്റെ കട സൂപ്പര് മാര്ക്കറ്റുകള് തുടങ്ങുവാന് വ്യക്തികളും സംഘടനകളും മത്സരബുദ്ധിയോടെയാണ് സിസിലിന്റെ കോര്പ്പറേറ്റ് ഓഫീസിലേക്കും 18001024915 എന്ന ടോള് ഫ്രീ നമ്പറിലേക്കും ദിവസേന വിളിക്കുന്നത്.
പ്രധാനമന്ത്രിയുടെ മെയ്ക്ക് ഇന് ഇന്ത്യ പദ്ധതിയുടെ ചുവടുപിടിച്ച് പ്രവര്ത്തനം ആരംഭിക്കുന്ന എന്റെ കട ഔട്ട്ലെറ്റുകളില് ഗ്രാമ ശുചിത്വം ലക്ഷ്യമിട്ട് സ്വച്ഛ് ഭാരത്, ജലനയം യാഥാര്ത്ഥ്യമാക്കുവാന് മഴവെള്ള സംഭരണി, പരിസ്ഥിതി സൗഹൃദ ഉത്പന്നങ്ങളുടെ വിപണനത്തിന് ഗ്രീന്ഷെല്ഫ് എന്നിവ ഉണ്ടാകുമെന്ന് സിവില് റീട്ടെയില് മാനേജ്മെന്റ് പ്രൈവറ്റ് ലിമിറ്റഡ് എംഡി സാബുകുമാര് അറിയിച്ചു. ആദ്യഘട്ടത്തില് ആയിരം ഔട്ട്ലെറ്റുകളിലായി ആറായിരം യുവതിയുവാക്കള്ക്ക് പ്രത്യക്ഷതൊഴില് ലഭിക്കും. പതിനായിരത്തോളം ചെറുകിട ഉത്പ്പാദകരുടെയും അന്പതിനായിരത്തോളം വിതരണക്കാരുടെയും പിന്തുണയോടെയാണ് എന്റെ കട ഗ്രാമീണ മേഖലയിയില് സാന്നിധ്യമറിയിക്കുന്നത്.
എട്ട് ലക്ഷം നിര്ദ്ദന കുടുംബങ്ങള്ക്ക് എന്റെ കട പര്ച്ചേസ് കാര്ഡു വഴി സബ്സിഡി നിരക്കില് നിത്യോപയോഗ സാധനങ്ങള് നല്കും. ഒരു പഞ്ചായത്തില് 800 കുടുംബങ്ങള്ക്ക് ഈ ആനുകൂല്യം ലഭിക്കും. ഡിജിറ്റല് സാങ്കേതികവിദ്യ പൂര്ണമായും പ്രയോജനപ്പെടുത്തിയാണ് എന്റെ കടയുടെ മുന്നേറ്റം. തിരുവനന്തപുരത്തെ സിസില് കോര്പ്പറേറ്റ് ഓഫീസില് സജ്ജീകരിച്ചിട്ടുള്ള പത്ത് കണ്ട്രോളിംഗ് യൂണിറ്റുകള് വഴിയാണ് ഓരോ എന്റെ കടയുടെയും പ്രവര്ത്തനങ്ങള് നിരീക്ഷിക്കുന്നത്. കേരളത്തിലെ ആയിരം എന്റെ കടകളിലും ഒരു ഉത്പന്നത്തിന് ഒരേ വിലയായിരിക്കും ഉപഭോക്താവിന് നല്കേണ്ടി വരിക. എന്റെ കടയുടെ ഔട്ട്ലെറ്റുകള് നാടിന് സമര്പ്പിക്കാന് പ്രധാനമന്ത്രി എത്തുന്നതിന് ശമിച്ചുകൊണ്ടിരിക്കുകയാണെന്ന് സിസില് എംഡി പറഞ്ഞു. പ്രധാനമന്ത്രി തീരുമാനമറിയിച്ചാലുടന് കേരളത്തിലെ ഗ്രാമങ്ങളില് എന്റെ കടയുടെ ഉദ്ഘാടനം സംബന്ധിച്ച് പ്രഖ്യാപനം നടക്കും.
