ന്യൂദല്ഹി: കപ്പല് ഗതാഗതവുമായി ബന്ധപ്പെട്ട് വിവിധ അന്താരാഷ്ട്ര ഉടമ്പടികളില് ഭാരതത്തെ ചേര്ക്കുന്നതിനായി 1958 ലെ മര്ച്ചന്റ് ഷിപ്പിങ്നിയമം ഭേദഗതി ചെയ്യാന് കേന്ദ്ര മന്ത്രിസഭാ യോഗം തീരുമാനിച്ചു. അന്താരാഷ്ട്ര സമുദ്രയാന സംഘടനയുടെ ബങ്കര് കണ്വെന്ഷന്, നെയ്റോബി കണ്വെന്ഷന്, സാല്വേജ് കണ്വെന്ഷന് എന്നിവയാണ് ഈ ഉടമ്പടികള്.
കടലില്വച്ച് കപ്പലിന് ഉണ്ടാകുന്ന ഇന്ധന ചോര്ച്ച മൂലം സംഭവിക്കുന്ന നാശനഷ്ടങ്ങള്ക്ക് മതിയായ തോതിലുള്ള ഫലപ്രദമായ നഷ്ടപരിഹാരം വേഗത്തില് ലഭ്യമാക്കുന്നതാണ് ബങ്കര് കണ്വെന്ഷന്. ഉടമ്പടിയില് ചേര്ന്നാല് ലോകത്ത് ഏത് ഭാഗത്ത് വെച്ചും അത്തരമൊരു സ്ഥിതിവിശേഷം നേരിടുന്ന ഭാരത കപ്പലിനും, ഭാരത സമുദ്രാതിര്ത്തിക്കുള്ളിലെ വിദേശകപ്പലുകള്ക്കും പ്രയോജനം ലഭിക്കും. കപ്പലുകളുടെ ഉടമസ്ഥര് നിര്ബന്ധമായും ഇന്ഷുറന്സ് പദ്ധതിയില് ചേര്ന്നിരിക്കണം. കടല് മാര്ഗ്ഗംചരക്ക് നീക്കുന്ന 90 ശതമാനത്തിലധികം രാജ്യങ്ങളും ഉടമ്പടിയില് അംഗങ്ങളാണ്.
ഭാരതം ഉടമ്പടിയില് അംഗമായില്ലെങ്കില് വിദേശരാജ്യങ്ങളില് എത്തുന്ന ഭാരത കപ്പലുകള്ക്ക് അവിടത്തെ ബങ്കര് ഇന്ഷുറന്സ് സര്ട്ടിഫിക്കറ്റിനെ ആശ്രയിക്കേണ്ടിവരും. അതുപോലെ ഭാരതത്തില് വരുന്ന വിദേശകപ്പലുകള്ക്കും നിര്ബന്ധിത ഇന്ഷുറന്സ് പരിരക്ഷ ഉറപ്പാക്കാനുമാവില്ല.
രാജ്യാന്തരതലത്തില്അംഗീകരിക്കപ്പെട്ട ചട്ടപ്രകാരം കപ്പലുകളുടെ നാശാവശിഷ്ടങ്ങള് ഫലപ്രദമായി നീക്കം ചെയ്യുന്നതിനുള്ളതാണ് സാല്വേജ് കണ്വെന്ഷന്.
ബംഗഌദേശ്, ഭൂട്ടാന്, ഭാരതം, നേപ്പാള്(ബിബിഐഎന്) എന്നീ രാജ്യങ്ങള്ക്കിടയില് യാത്ര, ചരക്ക്, വാഹനനീക്കം നിയന്ത്രിക്കുന്നതിനുള്ള കരാറിനും കേന്ദ്ര മന്ത്രിസഭായോഗം അംഗീകാരം നല്കി. ഭൂട്ടാന് തലസ്ഥാനമായ തിമ്പുവില് ഈ മാസം 15 ന് നടക്കുന്ന ബിബിഐഎന് ഗതാഗത മന്ത്രിമാരുടെ യോഗത്തില് ഉടമ്പടി ഒപ്പിടും.
അതിര്ത്തികള് കടന്നുള്ള യാത്രാ-ചരക്ക് വാഹനങ്ങളുടെ സുഗമമായ നീക്കം ഉറപ്പ് വരുത്തുന്നതിനു പുറമെ മേഖലയുടെ മൊത്തത്തിലുള്ള സാമ്പത്തിക വികസനത്തിനും കരാര് വഴിയൊരുക്കും. നാല് രാജ്യങ്ങളിലെയും ജനങ്ങള്ക്കും സാര്ക്ക് മോട്ടോര് വാഹന കരാറിന് സമാനമായ ഉടമ്പടി ഏറെ പ്രയോജനം ചെയ്യും.
നാവികരുടെ തിരിച്ചറിയല് രേഖ സംബന്ധിച്ച അന്താരാഷ്ട്ര തൊഴില് സംഘടനയുടെ ഉടമ്പടിയില് ചേരാനുള്ള നിര്ദ്ദേശത്തിനും കേന്ദ്ര മന്ത്രിസഭായോഗം അനുമതി നല്കി. ഭാരത നാവികര്ക്ക് ആഗോളതലത്തില് കൂടുതല് തൊഴില് ലഭ്യതയ്ക്ക് ഇതു വഴിയൊരുക്കും. ബയോമെട്രിക് സാങ്കേതികവിദ്യ അടിസ്ഥാനപ്പെടുത്തി നാവികര്ക്ക് തിരിച്ചറിയല് രേഖ തയ്യാറാക്കുന്ന പദ്ധതി സിഡാക്ക് ആണ് ചെയ്യുന്നത്.
