വാഷിങ്ടണ് : ഭാരതീയനെ ട്രെയിനിനു മുന്നില് തള്ളിയിട്ടുകൊന്ന അമേരിക്കക്കാരിക്ക് 24 വര്ഷത്തെ തടവു ശിക്ഷ. മതവെറിയാണ് ഈ കൊലപാതകത്തിനു പിന്നിലെന്ന് അന്ന് ആക്ഷേപങ്ങളുണ്ടായിരുന്നു.
2012 ഡിസംബര് 27-ന് അതിവേഗം വന്ന സബ്്വേ ട്രെയിനു മുന്നിലേക്ക് എറിക മെനന്ഡസ് എന്ന 33 കാരി സുനന്ദോ സെന് എന്ന 46 കാരനെ തള്ളിയിടുകായിരുന്നു. ഞാന് ഹിന്ദുക്കളെയും മുസ്ലിങ്ങളെയും വെറുക്കുന്നുവെന്ന് അപ്പോള് അവര് ആക്രോശിക്കുന്നുമുണ്ടായിരുന്നു. സെപ്റ്റംബര് 11 ആക്രമണമാണ് കാരണമായി ചൂണ്ടിക്കാട്ടിയിരുന്നത്.
സുപ്രീം കോടതി ജസ്റ്റീസ് ഗ്രിഗറ ലസാക് വിചാരണ ചെയ്യുമ്പോള്, താന് അങ്ങനെ ഒരാളെ തള്ളിയിട്ടതായോ ഏതെങ്കിലും മതവിഭാഗത്തിനെതിരേ എന്തെങ്കിലും പരാമര്ശം നടത്തിയതായോ ഓര്മ്മിക്കുന്നില്ലെന്ന് എറിക പറഞ്ഞു.
എന്നാല് റെയില്വേ പ്ലാറ്റ്ഫോമില്വെന്ന് സുനന്ദോവിനെ കണ്ടുമുട്ടുകയും പിന്തുടരുകയും ട്രെയിന് വന്നപ്പോള് പിന്നില് നിന്ന് തള്ളിയിടുകയുമായിരുന്നുവെന്ന് നിരീക്ഷിച്ച കോടതി സംഭവം ക്രൂരമായ കൊലപാതകമായിരുന്നുവെന്ന് ചൂണ്ടിക്കാട്ടി.
കൊല്ലപ്പെട്ടയാളിന്റെ അന്ത്യ നിമിഷങ്ങള് ഏറ്റവും എറ്റവും ഭയാനകമായിരുന്നിരിക്കുമെന്ന് ജഡ്ജ് പറഞ്ഞു. ലക്ഷക്കണക്കിനു ട്രെയിന് യാത്രികരെയും നഗരത്തെയാകെയും എറിക ഭീതിപ്പെടുത്തിയെന്നും കോടതി നിരീക്ഷിച്ചു.
