പാലാ: പോസ്റ്റല്‍ ഡിപ്പാര്‍ ട്ട്‌മെന്റ് പാലാ മുനിസിപ്പല്‍ ബസ് സ്റ്റാന്‍ഡില്‍ പില്ലര്‍ പോ സ്റ്റ് ബോക്‌സ് സ്ഥാപിച്ചിരിക്കുന്നത് മൂത്രപ്പുരയ്‌ക്കുസമീപം. പോസ്റ്റല്‍ വകുപ്പിന്റെ സേവനങ്ങളില്‍ നിന്ന് ജനങ്ങളെ പരമാവധി അകറ്റുക എന്ന ഉദ്ദേശ്യമാണോ, വകുപ്പിന്റെ അവസ്ഥ പ്രതീകാത്മകമായി ജനങ്ങളെ ബോദ്ധ്യപ്പെടുത്തുകയാണോ ഇതിന്റെ ഉദ്ദേശ്യമെന്നറിയില്ല. ഏതായാലും തപാല്‍ ഉരുപ്പടികള്‍ നിക്ഷേപിക്കാന്‍ ഈ തപാല്‍ പെട്ടിയെ ആശ്രയിക്കുന്നവരുടെ അവസ്ഥ ഏറെ കഷ്ടത്തിലായി.
അമ്പതു വര്‍ഷത്തോളമായി നഗരത്തിന്റെ ഹൃദയഭാഗത്ത് മുനിസിപ്പല്‍ ബസ് സ്റ്റാന്‍ഡിന്റെ പ്രവേശനകവാടത്തില്‍ എല്ലാവര്‍ക്കും കാണാവുന്ന വിധത്തില്‍ സ്ഥാപിച്ചിരുന്ന ബോ ക്‌സ് മാറ്റി സ്ഥാപിച്ചതാണിപ്പോള്‍. നഗരത്തില്‍ ഏറ്റവും കൂടുതല്‍ പേര്‍ ആശ്രയിക്കുന്നതും ഈ തപാല്‍ പെട്ടിയെ ആണ്.
പോസ്റ്റല്‍ വകുപ്പ് സ്ഥാപിച്ചിട്ടുള്ള പില്ലര്‍ ബോക്‌സ് മാറ്റി സ്ഥാപിക്കാന്‍ വകുപ്പിന്റെ അനുമി വേണമെന്നും ബസ് സ്റ്റാന്‍ഡിലെ തപാല്‍പെട്ടി മാറ്റി സ്ഥാപിച്ച വിവരം അറിയില്ലെന്നുമാണ് അധികൃതരുടെ മറുപടി.
പ്രതികരിക്കാൻ ഇവിടെ എഴുതുക: