മട്ടാഞ്ചേരി: ചിന്മയാനന്ദസ്വാമികളുടെ ഗീതാജ്ഞാനയജ്ഞങ്ങള്‍ക്കും പ്രഭാഷണങ്ങള്‍ക്കും സാക്ഷ്യംവഹിച്ച മട്ടാഞ്ചേരിയില്‍ ചിന്മയ ജന്മശതാബ്ദി ജ്യോതിപ്രയാണം ഇന്നെത്തും. ധര്‍മ്മാചാര്യ സാന്നിധ്യത്തില്‍ എത്തുന്ന ചിന്മയജ്യോതിപാദുകവാഹനപ്രയാണം രാവിലെ 10 ന് കൊച്ചിയിലെത്തിച്ചേരും.
കൂവപ്പാടം വൈഎന്‍പി ട്രസ്റ്റ് ഹാളിലെത്തുന്ന ജ്യോതിപ്രയാണത്തിന് വാദ്യമേളങ്ങളുടെയും പൂര്‍ണകുംഭവും നല്‍കി ഭക്തര്‍ വരവേല്‍ക്കും. ചിന്മയാമിഷന്‍, വിദ്യാലയ, വിവിധ ഹൈന്ദവസംഘടനകള്‍ എന്നിവയുെട നേതൃത്വത്തിലാണ് ജ്യോതിപ്രയാണ വരവേല്‍പ്പ് നല്‍കുക. ട്രസ്റ്റ് ഹാളില്‍ നടക്കുന്ന സ്വീകരണചടങ്ങില്‍ പാദുകപൂജ, അര്‍ച്ചന, ഭജന, പ്രഭാഷണം, പ്രദര്‍ശനം, പ്രസാദവിതരണം, ആഘോഷ വിശദീകരണം തുടങ്ങിയവയുണ്ടായിരിക്കുമെന്ന് സംഘാടകര്‍ അറിയിച്ചു. വൈകിട്ട് 4 ന് ചിന്മയാ ജന്മശതാബ്ദി ജ്യോതിപ്രയാണം യാത്രതുടരും.
പ്രതികരിക്കാൻ ഇവിടെ എഴുതുക: