ചങ്ങനാശേരി: റെയില്‍വേ സ്റ്റേഷനില്‍ ടിക്കറ്റ് റിസര്‍വേഷന്‍ കൗണ്ടറിന് മുന്‍പില്‍ തെരുവുനായ്‌ക്കളുടെ ശല്യം കൂടുന്നു. ഇപ്പോള്‍ ഇവ കിടപ്പാടമാക്കിയിരിക്കുന്നത് യാത്രക്കാര്‍ ക്യൂ നില്‍ക്കുന്ന കണ്ടറിന് മുന്നിലാണ് ഇതുമൂലം യാത്രക്കാര്‍ ഭീതിയോടെയാണ് നില്‍ക്കുന്നത്. ഈ നായ്‌ക്കളെ ഓടിച്ചുവിട്ടാലും പോകുന്നില്ലാന്ന് ടിക്കറ്റിനായി നില്‍ക്കുന്നവര്‍ പറഞ്ഞു. നൂറുകണക്കിന് യാത്രക്കാര്‍ വന്നുപോകുന്ന സ്റ്റേഷനിലാണ് ഈ വിചിത്രകാഴ്ച അരങ്ങേറുന്നത്. ആളുകള്‍ക്ക് ഇരിക്കാനായി ഇട്ടിരിക്കുന്ന കസേരുയുടെ അടിയിലും മറ്റുമായി നായ്‌ക്കള്‍ സ്വതന്ത്രമായി കിടക്കുകയാണ്. കൊച്ചുകുട്ടികള്‍ ഉള്‍പ്പെടെ നിരവധിയാളുകള്‍ എത്തുന്ന ഇവിടെ പട്ടിയെ ചവിട്ടുകയോ മറ്റോ ചെയ്യാന്‍ ഇടയായാല്‍ നായ്‌ക്കളുടെ കടിയേല്‍ക്കാനുള്ള സാധ്യത വളരെയധികമാണ്. അലഞ്ഞുതിരിയുന്ന നായ്‌ക്കളായതിനാല്‍ പേവിഷബാധയ്‌ക്കും സാധ്യത കൂടുതലാണ്. റെയില്‍വേ പ്രൊട്ടക്ഷന്‍ ഫോഴ്‌സിന്റെ യൂണിറ്റ് പ്രവര്‍ത്തിക്കുന്ന സ്ഥലമാണെങ്കിലും തെരുവുനായ്‌ക്കളുടെ വിഹാരം ഒഴിവാക്കുന്നതിന് ഇവര്‍ ഒന്നും തന്നെ ചെയ്യുന്നില്ല എന്നാണ് യാത്രക്കാരുടെ പരാതി.
Monday, November 18, 2024
റെയില്‍വേ ടിക്കറ്റ് കൗണ്ടറിനു മുന്‍പില്‍ തെരുവുനായ്ക്കള്ക്ക് വിശ്രമകേന്ദ്രം
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: