മുപ്പത്തടം: പഞ്ചായത്ത് അധികൃതരുടെയും ഉദ്യോഗസ്ഥരുടെയും പിടിവാശിയില് മൂപ്പത്തടം കമ്മ്യൂണിറ്റി ഹാള് നശിക്കുന്നതായി പരാതി. കൃത്യമായ അറ്റകുറ്റപ്പണികള് നടക്കാത്തതുമൂലം കമ്മ്യൂണിറ്റിഹാളില് കാടുകയറി.സ്വകാര്യ വ്യക്തികളുടെ ഹാളുകളെ സഹായിക്കാനാണ് പഞ്ചായത്തിന്റെ കമ്മ്യൂണിറ്റിഹാള് പൂട്ടിയിട്ടിരിക്കുന്നതെന്നും ആരോപണമുണ്ട്.
ഹാള്പുതുക്കിപ്പണിയാന് എംഎല്എ ഫണ്ടില് നിന്ന് 2 കോടി രൂപ അനുവദിച്ചെങ്കിലും അഴിമതി ആരോപണത്തില് കുടുങ്ങി അതും മുടങ്ങിക്കിടക്കുകയാണ്. ജീര്ണ്ണിച്ച് ഉപയോഗശൂന്യമായ അവസ്ഥയിലാണ് കെട്ടിടമെന്ന നിലപാടിലാണ് പഞ്ചായത്ത് അധികൃതര്.
എന്നാല് കഴിഞ്ഞ ലോക്
സഭാ തെരഞ്ഞെടുപ്പില് പോളിങ് ബൂത്തായും തുര്ന്ന് ഏതാനും നാള് മുമ്പ് റേഷന് കാര്ഡ് ഫോട്ടോയെടുപ്പിനും ഈ കെട്ടിടമാണ് ഉപയോഗിച്ചതത്രെ.
കഴിഞ്ഞ വര്ഷം കളക്ടര് ഇടപെട്ട് പിഡബ്ല്യുഡി എ ക്സി.എഞ്ചിനീയറോട് കെട്ടിടം പരിശോധിച്ച് റിപ്പോര്ട്ട് നല്കാന് ആവശ്യപ്പെട്ടിട്ടും യാതൊരു നടപടിയും ഉണ്ടായിട്ടില്ല. കമ്മ്യൂണിറ്റി ഹാളിന്റെ കാര്യത്തില് അധികൃതര്ക്കുള്ള നിഷേധാത്മക നിലപാടാണ് ഇതെല്ലാം സൂചിപ്പിക്കുന്നതെന്ന് നാട്ടുകാര് ആരോപിച്ചു.
നാടിന്റെ പൊതുസ്വത്തായ ഈ കമ്മ്യൂണിറ്റിഹാളിനെയാണ് വിവാഹങ്ങള്ക്കും മറ്റുപൊതുപരിപാടികള്ക്കുമായി കടുങ്ങല്ലൂര് പഞ്ചായത്തിലെ ഭൂരിഭാഗം പേരും ആശ്രയിച്ചിരുന്നത്. കമ്മ്യൂണിറ്റിഹാള് സംരക്ഷിക്കാന് ജില്ലാ ഭരണകൂടം അടിയന്തരമായി ഇടപെടണമെന്ന് നാട്ടുകാര് ആവശ്യപ്പെട്ടു.
