കാഞ്ഞിരപ്പള്ളി: പതിമൂന്നുകാരിയായ മകളെ കയറിപ്പിടിക്കാന്‍ ശ്രമിച്ചയാള്‍ക്ക് പെണ്‍കുട്ടിയുടെ പിതാവിന്റെ വക തല്ല്. ‘ആവശ്യത്തിന്’ കിട്ടിയ ഇടക്കുന്നം സ്വദേശി ജീവനുംകൊണ്ട് സ്ഥലം വിട്ടു.കഴിഞ്ഞ ദിവസം കാഞ്ഞിരപ്പള്ളി ബസ് സ്റ്റാന്‍ഡിലാണ് സംഭവം. മകളോടൊപ്പം ബസ് കാത്തു നില്‍ക്കുകയായിരുന്നു ആനക്കല്ല് സ്വദേശി.ആള്‍ത്തിരക്കിനിടയില്‍ മാന്യമായി വസ്ത്രധാരണം ചെയ്ത 40 വയസ് തോന്നിക്കുന്നയാള്‍ മകളെ കയറിപ്പിടിക്കാന്‍ ശ്രമിക്കുകയായിരുന്നു. ഉപദ്രവിക്കാനായി നീണ്ട കൈകളില്‍ നിന്നും മകളെ ചേര്‍ത്തുപിടിച്ച പിതാവിന്റെ കൈ തല്‍ക്ഷണം കയറിപ്പിടിക്കാന്‍ ശ്രമിച്ചവന്റെ കരണത്ത് വീണു. നീട്ടിയ കൈയ്‌ക്ക് ‘ആവശ്യത്തിന്’ കൊടുത്തതോടെ ആളുകള്‍ ഓടിക്കൂടി കാര്യമന്വേഷിച്ചപ്പോളേക്കും കയറിപ്പിടിക്കാന്‍ ശ്രമിച്ചവന്‍ സ്ഥലം വിട്ടിരുന്നു.അക്രമിക്കാന്‍ ശ്രമിച്ചയാള്‍ സ്ഥിരമായി ലഹരി ഉപയോഗിക്കുന്നയാളാണെന്ന് നാട്ടുകാരില്‍ ചിലര്‍ പറഞ്ഞു.സ്‌കൂളുകള്‍ക്ക് വാര്‍ഷിക അവധി തുടങ്ങിയതോടെ ബസ് സ്റ്റാന്‍ഡില്‍ പോലീസിന്റെ സേവനം വല്ലപ്പോഴും മാത്രമാണുള്ളത്.സ്റ്റാന്‍ഡിനുള്ളില്‍ മദ്യപരുടെയും ലഹരി ഉപയോഗിക്കുന്നവരുടെയും ശല്യം അസഹനീയമാണെന്ന് വനിത യാത്രക്കാരും വിദ്യാര്‍ത്ഥിനികളും പരാതിപ്പെടുന്നു.
Sunday, November 17, 2024
മകളെ അപമാനിക്കാന്‍ ശ്രമിച്ചയാള്‍ക്ക് പിതാവിന്റെ വക തല്ല്
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: