ചെങ്ങന്നൂര്‍: വൃദ്ധനെ കടയില്‍ കയറി മര്‍ദ്ദിച്ചതായി പരാതി. പേരിശേരി മൂലയുഴത്തിന്‍ കോളനിയില്‍ കേശവന്‍ വാസു (88) നാണ് മര്‍ദ്ദനത്തില്‍ പരിക്കേറ്റത്. മാര്‍ച്ച് 26ന് വൈകിട്ട് ആറുമണിയോടെയാണ് സംഭവം. വീടിന് സമീപം തന്നെ മാടക്കട നടത്തുകയാണ് കേശവന്‍. ആലമ്പള്ളിത്തറയിലുളള ബന്ധുവീട്ടിലെത്തിയ തോനയ്‌ക്കാട് സ്വദേശിയായ ഗിരീഷ് മദ്യപിച്ച് കടയില്‍ എത്തുകയും മുറുക്കാന്‍ ആവശ്യപ്പെടുകയുമായിരുന്നു. കേശവന്‍ മുറുക്കാന്‍ ഇല്ലെന്ന് അറിയിച്ചതോടെ ഇയാള്‍ മുട്ടായി കുപ്പികള്‍ വലിച്ചെറിയുകയും കേശവനെ ക്രൂരമായി മര്‍ദ്ദിക്കുകയുമായിരുന്നു. ബഹളം കേട്ട് ഓടിക്കൂടിയ സ്ത്രീകളടക്കമുളള നാട്ടുകാര്‍ക്കുനേരെയും ഇയാള്‍ അക്രമത്തിന് മുതിര്‍ന്നു. തുടര്‍ന്ന് നാട്ടുകാര്‍ സംഘടിച്ചതോടെയാണ് ഗിരീഷ് ഇവിടെ നിന്നും ബന്ധുവീട്ടിലേക്ക് മടങ്ങിയത്. അക്രമത്തില്‍ പരിക്കേറ്റ കേശവന്‍ ചെങ്ങന്നൂര്‍ ഗവ.താലൂക്ക് ആശുപത്രിയില്‍ ചികിത്സയിലാണ്.
Sunday, November 17, 2024
വൃദ്ധനെ കടയില്‍ കയറി മര്‍ദ്ദിച്ചതായി പരാതി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: