കൊച്ചുമുല്ലയ്‌ക്കല്‍ ക്ഷേത്രത്തില്‍ ഉത്രം മഹോത്സവം

ആലപ്പുഴ: തിരുവമ്പാടി പുതുക്കാവ് (കൊച്ചുമുല്ലയ്‌ക്കല്‍) ക്ഷേത്രത്തില്‍ ഉത്ര മഹോത്സവവും പ്രതിഷ്ഠാദിന വാര്‍ഷികവും മാര്‍ച്ച് 30 മുതല്‍ ഏപ്രില്‍ മൂന്ന് വരെ നടക്കും. 30ന് രാവിലെ 10ന് തന്ത്രി കുര്യാറ്റുപുറം ഇല്ലത്ത് നാരായണന്‍ ഭട്ടതിരിയുടെ കാര്‍മ്മികത്വത്തില്‍ കലശാഭിഷേകം, രാത്രി എട്ടിന് ഡാന്‍സ്. 31ന് രാത്രി എട്ടിന് സംഗീതസദസ്. ഏപ്രില്‍ ഒന്നിന് രാവിലെ 10ന് കലശാഭിഷേകം, 11ന് ദ്വാരകപാലക പ്രതിഷ്ഠ, രാത്രി ഏഴിന് ദേശതാലപ്പൊലി, 7.30ന് നൃത്തനൃത്യങ്ങള്‍. രണ്ടിന് ഉച്ചയ്‌ക്ക് ഒന്നിന് പ്രസാദമൂട്ട്, രാത്രി ഒമ്പതിന് നൃത്തനൃത്യങ്ങള്‍. മൂന്നിന് രാവിലെ ഒമ്പതിന് കാഴ്ചശ്രീബലി, 11ന് കളഭാഭിഷേകം, രാത്രി 7.30ന് സംഗീതലയ തരംഗം, 11ന് എതിരേല്‍പ്.