തുറവൂര്‍: കെപിഎംഎസിന്റെ സംസ്ഥാന സമ്മേളനത്തിനു മുന്നോടിയായി സംസ്ഥാന ജനറല്‍ സെക്രട്ടറി ബൈജു കലാശാല നയിക്കുന്ന വിളംബര ജാഥയ്ക്ക് തുറവൂര്‍ യൂണിയന്‍ കമ്മിറ്റിയുടെ കീഴില്‍ വരുന്ന ശാഖകളുടെ നേതൃത്വത്തില്‍ സ്വീകരണം നല്‍കി. പള്ളിത്തോട് ഹേലാപുരം, തഴുപ്പ്, വളമംഗലം വടക്ക് എന്നിവിടങ്ങളില്‍ സ്വീകരണങ്ങള്‍ ഏറ്റുവാങ്ങി തുറവൂര്‍ യൂണിയന്‍മേഖലയിലെ ജാഥയുടെ പര്യടനം പൊന്നാംവെളിയില്‍ സമാപിച്ചു. നവോത്ഥാന നേതാക്കളെ പുതുതലമുറ അടുത്തറിയണമെന്നും നിലവിലെ സാമൂഹിക വ്യവസ്ഥയില്‍ മഹാത്മാ അയ്യങ്കാളിയുടെയും ശ്രീനാരാണന്റെയും സഹോദരനയ്യപ്പന്റെയും ആശയങ്ങള്‍ക്ക് ഏറെ പ്രധാന്യമുണ്ടെന്നും നന്ദി പ്രസംഗത്തില്‍ ജാഥാ ക്യാപ്റ്റന്‍ പറഞ്ഞു. പള്ളിത്തോട് നടന്ന സ്വീകരണത്തില്‍ വൈസ് ക്യാപ്റ്റന്‍ പി.കെ. ബാബുരാജ്, സുരേഷ് ചെങ്ങന്നൂര്‍, ശശിധരന്‍ ചാരുംമൂട്, രമേശ്മണി, എന്‍.കെ. സത്യന്‍, വി.വി. നാരായണന്‍, കെ.ആര്‍. രജിമോന്‍, കെ.സി. ചന്ദ്രന്‍, സ്മിത, സീമാരാജു എന്നിവര്‍ സംസാരിച്ചു.
Sunday, November 17, 2024
കെപിഎംഎസിന്റെ വിളംബര ജാഥയ്ക്ക് സ്വീകരണം നല്‍കി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: