302. വരദാദിസമാരാധ്യാ – വരദ തുടങ്ങിയ ദേവിമാരാല് ആരാധിക്കപ്പെടുന്നവള്.
303. മധുപാനസമുത്സുകാ – മധുപാനത്തില് താത്പര്യമുള്ളവള്.
304. മുദ്ഗൗദനാസക്തചിത്താ – ചെറുപയറു ചേര്ത്തു പാകം ചെയ്ത ചോറ് ഇഷ്ടപ്പെടുന്നവള്.
305. സാകിനീരൂപധാരിണീ – സാകിനി എന്ന ദേവിയുടെ രൂപം ധരിച്ചവള്.
നാലു ദളങ്ങളുള്ള മൂലാധാര പദ്മത്തില് അഞ്ചുമുഖമുള്ളവളും ധൂമ്രവര്ണ്ണയും പിണ്ഡാണ്ഡത്തിലെ അസ്ഥികളില് വ്യാപിച്ചിരിക്കുന്നവളും അങ്കുശം, താമര, ഗ്രന്ഥം, ജ്ഞാനമുദ്ര എന്നിവ ധരിക്കുന്ന നാലു തൃക്കൈകള് ഉള്ളവളും വരദ തുടങ്ങിയ ദേവിമാരാല് ആരാധിക്കപ്പെടുന്നവളും മധുപാനത്തില് താത്പര്യമുള്ളവളും ചെറുപയര് ചേര്ത്തു പാകം ചെയ്ത ചോറ് ഇഷ്ട്പെടുന്നവളുമായി സാകിനി എന്നപേരില് മൂകാംബികാ ദേവി പിണ്ഡാണ്ഡ പരിവൃദ്ധിദയായി വിരാജിക്കുന്നു. സാകിനീ ദേവിയുടെ ധ്യാനശ്ലോകം അര്ത്ഥബോധത്തോടെ മനനം ചെയ്യുന്നത് കുണ്ഡലിനീശക്തിയെ ഉണര്ത്താനുപകരിക്കും. ധ്യാനശ്ലോകം ചുവടെ ചേര്ക്കുന്നു.
”മൂലാധാരസ്ഥ പദ്മേ ശ്രുതി ദലലസിതേ പഞ്ചവക്ത്രാം ത്രിനേത്രാം.
ധൂമ്രാഭാമസ്ഥിസംസ്ഥാം സൃണിമപി കമലം പുസ്തകം ജ്ഞാനമുദ്രാം
ബിഭ്രാണാം ബാഹുദണ്ഡൈഃ സുലലിതവരദാംപൂര്വശക്ത്യവൃതാം താം
മുദ്ഗാന്നാ സക്തചിത്താം മധൂമദമുദിതാം സാകിനീം ഭാവയാമഃ”
…. തുടരും
