ചേര്‍ത്തല: കേരള പുലയര്‍ മഹാസഭ അരൂര്‍ യൂണിയന്‍ സമ്മേളനം മാര്‍ച്ച് ഏഴ്, എട്ട് തീയതികളില്‍ പള്ളിത്തോട്ടില്‍ നടക്കും. അരൂരില്‍ കെപിഎംഎസിന്റെ പ്രവര്‍ത്തനം തുടങ്ങിയ പള്ളിത്തോട് ശാഖയുടെ അതിര്‍ത്തിയിലാണ് സമ്മേളനം സംഘടിപ്പിച്ചിരിക്കുന്നത്. ഇതിനോടനുബന്ധിച്ച് അരൂര്‍ യൂണിയന്‍ വൈസ് പ്രസിഡന്റ് കെ.ഐ. വാവച്ചന്‍ നയിക്കുന്ന പതാകജാഥ മാര്‍ച്ച് ഏഴിന് വൈകിട്ട് മൂന്നിന് പള്ളിത്തോട് ഈശ്വരേടത്ത് കവലയില്‍ നിന്നാരംഭിക്കും.
എട്ടിന് രാവിലെ 10ന് പ്രതിനിധി സമ്മേളനം സംസ്ഥാന സെക്രട്ടറിയേറ്റ് അംഗം വി.സി. ശിവരാജന്‍ ഉദ്ഘാടനം ചെയ്യും. പി.കെ. കമലാസനന്‍ അദ്ധ്യക്ഷത വഹിക്കും. വൈകിട്ട് അഞ്ചിന് ചേരുന്ന പൊതുസമ്മേളനം മുന്‍ എംപി ഡോ. സെബാസ്റ്റിയന്‍ പോള്‍ ഉദ്ഘാടനം ചെയ്യും. എ.എം. ആരിഫ് എംഎല്‍എ മുഖ്യാതിഥി ആയിരിക്കും. പൊതുസമ്മേളനത്തില്‍ ആദ്യകാല പ്രവര്‍ത്തകരെ ആദരിക്കും.
പ്രതികരിക്കാൻ ഇവിടെ എഴുതുക: