മാന്നാര്‍: ചെന്നിത്തല പഞ്ചായത്തില്‍ സിപിഎം ഏരിയകമ്മറ്റിയംഗം മെമ്പറായ വാര്‍ഡില്‍ വി.എസ്. അച്യുതാനന്ദനെ അനുകൂലിച്ച് ഫ്‌ളക്‌സ് ബോര്‍ഡ് സ്ഥാപിച്ചു. കാരാഴ്മ ദേവീക്ഷേത്രത്തിനു കിഴക്കു വശം പഞ്ചായത്ത് ഏഴാം വാര്‍ഡിലാണ് വിഎസിനെ അനുകൂലിച്ച് വലിയ ഫ്‌ളക്‌സ് ബോര്‍ഡ് സ്ഥാപിച്ചിരിക്കുന്നത്. സിപിഎം മാന്നാര്‍ ഏരിയ കമ്മറ്റിയംഗവും പഞ്ചായത്തിലെ സിപിഎം പാര്‍ലമെന്ററി പാര്‍ട്ടിനേതാവുമായ ഇ.എന്‍. നാരായണനാണ് ഈവാര്‍ഡിലെ ജനപ്രതിനിധി. ചെന്നിത്തല പഞ്ചായത്തിലെ രണ്ടു ലോക്കല്‍ കമ്മറ്റികളിലും ഭൂരിഭാഗവും വിഎസിനെ പിന്തുയ്‌ക്കുന്നവരാണ്. കഴിഞ്ഞ നിയമസഭാ തെരഞ്ഞെടുപ്പില്‍ വിഎസിന് സീറ്റു നിഷേധിച്ചപ്പോള്‍ വിഎസിനെ അനുകൂലിച്ച് വലിയ പ്രകടനവും വ്യാപകമായ രീതിയില്‍ പോസ്റ്റര്‍ പ്രചരണവും ഇവിടെ നടന്നിരുന്നു. വിഎസിനെ അനുകൂലിച്ച് വരും ദിവസങ്ങളില്‍ പ്രചരണം ശക്തമാക്കാനാണ് വിഎസ് അനുകൂലികളുടെ തീരുമാനം.
Friday, November 15, 2024
ചെന്നിത്തലയില്‍ വിഎസിനെ അനുകൂലിച്ച് ഫ്‌ളക്‌സ് ബോര്‍ഡ്
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: