നാളികാട് ശ്രീരാമകുമാര ക്ഷേത്രത്തില്‍ ഉത്രം മഹോത്സവം

ചേര്‍ത്തല: കുത്തിയതോട് 688-ാം നമ്പര്‍ എസ്എന്‍ഡിപി ശാഖായോഗം നാളികാട് ശ്രീരാമകുമാര ക്ഷേത്രത്തിലെ ഉത്രം മഹോത്സവം ഫെബ്രുവരി 28ന് കൊടിയേറി മാര്‍ച്ച് ആറിന് ആറാട്ടോടെ സമാപിക്കും. 28ന് വൈകിട്ട് 6.45ന് കൊടിയേറ്റ്, 8.15ന് കൊടിയേറ്റ് സദ്യ, 8.30ന് പ്രഭാഷണം, ഒന്നിന് രാത്രി 7.30ന് സംഗീതസദസ്, ഒമ്പതിന് താലപ്പൊലി വരവ്, രണ്ടിന് 7.30ന് സോപാനസംഗീതം, മൂന്നിന് രാത്രി 7.30ന് സിനിമാറ്റിക് ഡാന്‍സ്, നാലിന് രാത്രി ഒമ്പതിന് ഭക്തി ആരാധന ഗാനമേള, അഞ്ചിന് പള്ളിവേട്ട മഹോത്സവം, രാത്രി 9.30ന് മിമിക്‌സ് മെഗാ ഈവന്റ്, ആറിന് ഉത്രം ആറാട്ട് മഹോത്സവം, രാവിലെ ഒമ്പതിന് കാഴ്ചശ്രീബലി, വൈകിട്ട് മൂന്നിന് പകല്‍പ്പൂരം, രാത്രി എട്ടിന് വെടിക്കെട്ട്, ഒമ്പതിന് ഗാനമേള, 12ന് ആറാട്ട് എന്നിവയോടെ ഉത്സവം സമാപിക്കും.