വാഷിങ്ടണ്: ഭാരതീയന് നേരെ നടന്ന മാഡിസന് പോലീസിന്റെ മര്ദ്ദനത്തില് അലബാമ ഗവര്ണര് ക്ഷമാപണം നടത്തി. അമേരിക്കയില് ജോലി ചെയ്യുന്ന മകനൊപ്പം താമസിക്കാനെത്തിയ ഗുജറാത്ത് അഹമദാബാദ് സ്വദേശി സുരേഷ്ഭായ് പട്ടേലി(57)നാണ് പോലീസിന്റെ മര്ദ്ദനമേറ്റത്. ഇതേ തുടര്ന്ന് പട്ടേലിന് ഭാഗികമായ പക്ഷാഘാതം വരികയും ഒരുവശം തളര്ന്ന് പോവുകയും ചെയ്തിരുന്നു.
മര്ദ്ദനത്തിനെതിരെ വന്പ്രതിഷേധം ഉയര്ന്നതിനെതുടര്ന്ന് അലബാമ ലോ എന്ഫോഴ്സ്മെന്റ് ഏജന്സിയോട് അന്വേഷണം നടത്തുവാന് ഗവര്ണര് റോബര്ട്ട് ബെന്റ്ലി ഉത്തരവിട്ടിരുന്നു. ഫെഡറല് ബ്യൂറോ ഓഫ് ഇന്വെസ്റ്റിഗേഷനും അന്വേഷണം നടത്തിയിരുന്നു.
ഫെബ്രുവരി ആറിനാണ് സംഭവം നടന്നത്, ഇന്ത്യന് ജനറല് കോണ്സലായ അജിത് കുമാറിനയച്ച കത്തിലാണ് ബെന്ലി ഈ ദാരുണ സംഭവവുമായി ബന്ധപ്പെട്ട് ഭാരത സര്ക്കാരിനോടും പട്ടേലിനോടും യുഎസില് ജോലി ചെയ്യുകയും സ്ഥിര താമസമാക്കുകയും ചെയ്ത എല്ലാ ഭാരതീയ പൗരന്മാരോടും ക്ഷമ ചോദിക്കുന്നതായി വ്യക്തമാക്കിയത്.
സുരേഷ്ഭായ് പട്ടേലിനെതിരെ ബലപ്രയോഗം നടത്തി പരുക്കേല്പ്പി ല്ച്ച മാഡിസണ് പോലീസിന്റെ നടപടിയില് ഖേദം പ്രകടിപ്പിച്ച ഗവര്ണര്, പട്ടേല് ഉടന്തന്നെ പൂര്ണമായും ആരോഗ്യം വീണ്ടെടുക്കുമെന്നാണ് താന് പ്രതീക്ഷിക്കുന്നതെന്നും വ്യക്തമാക്കി.
മകന് താമസിക്കുന്ന വീടിന് മുമ്പിലെ റോഡിലൂടെ നടക്കുമ്പോഴാണ് പട്ടേലിനെ പോലീസ് പിടികൂടുന്നത്. മുറി ഇംഗ്ലീഷില് താന് മകന്റെ അടുത്ത് വന്നതാണെന്നും റോഡിലൂടെ നടക്കുകയായിരുന്നെന്ന് പറഞ്ഞെങ്കിലും മാഡിസന് പോലീസ് ക്രൂരമായി മര്ദ്ദിക്കുകയായിരുന്നു.
ഇന്ഷുറന്സ് ഇല്ലാത്തതിനാല് പട്ടേലിന്റെ ചികിത്സക്കായി ഭാരത വംശജര് 1.87 ലക്ഷം ഡോളര് ശേഖരിച്ചിരുന്നു.
