ലണ്ടന്: സൈബര് മോഷണത്തിലൂടെ ലോകത്തെ 100 ബാങ്കുകള് കൊള്ളയടിച്ചതായി റിപ്പോര്ട്ട്. റഷ്യന് കംപ്യൂട്ടര് സെക്യൂരിറ്റി സ്ഥാപനമായ കാസ്പെര്സ്കി നടത്തിയ കണക്കെടുപ്പില് ഒരു ബില്യണ് (100 കോടി രൂപയോളം) വെട്ടിപ്പ് നടന്നിട്ടുണ്ടെന്നാണ് കണ്ടെത്തിയിരിക്കുന്നത്.
ഇതു സംബന്ധിച്ച് ഇന്റര് പോളിന് റിപ്പോര്ട്ട് ചെയ്തിട്ടുണ്ട്. 2013 മുതല് ലോകത്തിലെ പ്രമുഖ ബാങ്കുകളില് നിന്നായി പണം മോഷണം പോകുന്നുണ്ടെന്നാണ് റിപ്പോര്ട്ട്. റഷ്യ, യുക്രൈന്, ചൈന, എന്നിവിടങ്ങളില് നിന്നുള്ള ഹാക്കര്മാരാണ് ഇതിനു പിന്നില്.
റഷ്യ, യുഎസ്, ജര്മ്മനി, ചൈന, യുക്രൈന്, കാനഡ എന്നിങ്ങനെ 30ഓളം രാജ്യങ്ങളിലെ ബാങ്കുകളും ധനകാര്യ സ്ഥാപനങ്ങളും കേന്ദ്രീകരിച്ചാണ് ഇവര് തിരിമറി നടത്തിവരുന്നത്. കംപ്യൂട്ടര് വൈറസ് ഉപയോഗിച്ച് ധനകാര്യ സ്ഥാപനങ്ങളിലെ വിവരങ്ങള് ചോര്ത്തിയാണ് മോഷണം നടത്തുന്നത്.
ഇത്തരത്തില് ഒരേസമയം ഒരു കോടി രൂപയോളം മോഷ്ടിക്കപ്പെടുന്നതായാണ് കണക്കുകള് പുറത്തുവന്നിരിക്കുന്നത്. സൈബര് മോഷണത്തില് വൈദഗ്ദ്ധ്യമുള്ളവരാണ്് ഇതിനു പിന്നില് പ്രവര്ത്തിച്ചിരിക്കുന്നതെന്ന് കാസ്പെര്സ്കി പ്രിന്സിപ്പല് സെക്യൂരിറ്റി റിസര്ച്ചര് സെര്ജെ ഗോലോവനോവ് അറിയിച്ചു.
